قوة الحكاية في رحلة الفن والسلطة
بقلم/نشأت البسيوني
قوة الحكاية في رحلة الفن والسلطه بتبان في اللحظات اللي يفتكر فيها الناس ان الحكايه بسيطه وهي في حقيقتها اعمق من كده بكتير لان الفن من اول يوم كان صوت ناس وحكايتهم وكان كمان مرايه للي بيحصل حوالينا من احلام ومن وجع ومن فرح ومن خوف والزمن طول عمره بيكشف ان الفنان الحقيقي مش مجرد وجه على شاشه ولا مشهد بيعبر لكن روح بتوصل للقلوب من غير
استئذان الصوره اللي قدامنا بتفكرنا بان في قصص عاشها الفن كانت نقطه تحول لناس وقرارات غيرت مصير فنانين وفتحت اسئله عن معنى القيمه الحقيقيه للفن في بلد بتحب الضحكه وبتحب الفنان اللي قدر يدخل بيوتها من غير ادعاء ولا تكلف وفي نفس الوقت مرت لحظات كان فيها الفن بيتحارب واتظلم واتعرض لسوء فهم ورغم كده كان فيه نفوس صامده وقدرت تكمل رسالتها
لان الفنان اللي عايش بصدق بيبقى مهما اتغيرت الدنيا كل موقف كان بيكشف معدن وبيبين قد ايه الانسان ده شايل في قلبه محبه لبلده ولناسها وقد ايه هو قادر يفضل ثابت قدام تقلبات الزمن لان الفن الحقيقي مش بيقوم على منصب ولا على دعوه ولا على قرار الفن قائم على الاثر اللي بيعيش في الروح والذاكره وعلى الضحكه اللي عاشتها الناس مع الفنان وعلى الدموع اللي مسحتها كلماته
وعلى وجوده اللي فضل جزء من البيت المصري الصوره دي بتقول ان التاريخ مليان لحظات حاولت تضغط على الفن وتحجمه لكن اللي انتصر في الاخر هو اللي قدر يدخل قلب الملايين لان القلوب مش بتجامل ومش بتخدع والوجدان عمره ما بينسى اللي فرحوا وضحكوا واتأثروا ووقفوا قدام الشاشه علشان يشوفوا انسان شافوا فيه جزء منهم الفن دايما اكبر من سلطه واكبر من صوت
عالي واكبر من حملات واكبر من اي حاجه ممكن تمر مره واحده لان الفن روح بلد ولا يمكن حد يغير روح بلدها الانسان اللي دخل قلب الناس بيعيش بعد ما يروح الزمن ويغيب الجسد وتفضل صورته محفوره في الوعي الجمعي اللي ما بينساش ابطاله حتى لو مروا بسنين صعبه او مواقف فيها ظلم او سوء تقدير الفنان الحقيقي بيبقى لان حضوره ما كانش تمثيل بس لكن حياه واتصال
وصدق وعمر كامل اتحط في لحظه ضحك او كلمه بسيطه او مشهد عدى على الناس ومشي معاهم سنين الفن هو الذاكره اللي بتجمع شعب كامل على احساس واحد هو التاريخ اللي بيتكتب من غير ورق هو الروح اللي بتثبت ان الموهبه الحقيقيه اقوى من اي قرار واقوى من اي منصب واقوى من اي سلطه وان القصه الحقيقه دايما بتنتصر في الاخر لانها عايشه في قلب الناس ومحدش يقدر يمحيها
قوة الحكاية في رحلة الفن والسلطة
