كلام من قلبى
كتب/سعيد ابراهيم
قديماً قالوا اللى مبيشوفش من الغربال بيبقى أعمى
رئيس قاعد يجوب العالم من شرقه لــ غربه ومن شماله لــ جنوبه كل يوم فـ بلد … بيسمع لــ رواساء الدول ولــ خبراء الاقتصاد و عمالقة الصناعة
بيراجع كل صغيره وكبيره بيشرف ع المشاريع بنفسه،بيسمع مقترحات الشباب و عمال يشرح و يفسر و يوعد بتنفيذ المقترحات القابلة للتنفيذ .. بينفذ 100 مشروع فـ وقت واحد، مشفناش ولا مره بيوضع حجر أساس لمشروع بل شاهدناه يفتتح مشاريع لا نعلم عنها شيئ
دولة بتنفض غبار السنين و بتصلح أخطاء الماضي و بتقتحم ملفات تم تأجيلها و بتعمل مستقبل للأجيال الجاية .. رئيس مقالش يا راجل كبر مخك و لا جاب جماعته في قاعة و قعد يهرتل و هم يسقفوله .. عاوزني أتجاهل كل ده و أقول مفيش تغيير و الفساد مستمر و أبقي متشائم ؟! طب ازاي ؟!
الواحد نفسه اتسدت من مجرد سماع أخبار الحروب والأسعار ومحاربة مصر اقتصادياً ، ما بالنا بقى باللي بــ يدير كل الملفات دي في وقت واحد و لا يملك رفاهية التأجيل أو التجاهل أو الاختيار ، و كل ملف فيهم عاجل جدًا جدًا و أهم و أخطر من التاني!
الرئيس السيسي بيدير أصعب فترة في تاريخ مصر الحديث تقريبًا ، ظروف محلية و إقليمية و دولية لم تحدث في وقت واحد تقريبًا من أيام الرئيس جمال عبدالناصر رحمة الله عليه ،
اللى بيحصل وبنشوفه من الرئيس عبدالفتاح السيسي رقى وزوق وفكر عالى من رئيس محب ومؤمن بهذا الوطن لا يريد شهره ولا جاه كل ما يريده هو الخير والتقدم لهذا الوطن
معاك يا افندم و بندعمك للأبد ، و ربنا يقويك و يحفظك و يلهمك الصواب في كل الأمور بإذن الله تعالى
كلام من قلب محب وعاشق لتراب هذا البلد
حفظ الله مصر قائداً وشعباً وجيشاً وارضاً
وتحيا مصر يا عم الحاج.
#حفظ_الله_مصر
كلام من قلبى
