كيف تعامل طفلك

بقلم :وسام شداد

لو سمعت صوت عياطك هضربك ادخل أوضتك، ولما تهدى تعالالي!كام مره قولت لطفلك مش عايزه اسمع صوتك !!!!
تخيل حد يقولك كده وإنت موجوع… هتحس بإيه؟
تخيل حد يقف قدامك وإنت موجوع أو مخنوق، ويقولك:

هتحس بإيه غالبًا: إنك مش مسموح لك تتوجع، ولا تعبّر، وإن مشاعرك عبء على اللي حواليك.

الغريب في آباء وأمهات بيقولوا ده لأولادهم كل يوم، أوقات بدون قصد، وبدافع “التهذيب” أو “التحكم”.
بس الحقيقة؟
كل مرة بنمنع الطفل من التعبير عن حزنه، بنعلّمه إن مشاعره غلط.
بنبرمجه على الكبت، وعلى إنه يلبس “ماسك القوة” حتى لو جواه بيصرخ.

المشاعر مش عيب.
العياط مش ضعف.
والأمان الحقيقي هو إن الطفل يعرف إنه لما يزعل أو يتضايق، فيه حضن مستنيه… مش عقاب.

خلينا نراجع نفسنا:
هل بنسمع؟
هل بنحتوي؟
ولا بنسكتهم علشان “السكوت راحة”؟

طفلك لما يعبر عن نفسه هو مش بيقل أدب،
هو بس بيقولك:
“أنا محتاجك تفهمني.”

وخليني افكركم ان طفل اليوم هو زوج الغد واللي من كتر ما بنقوله الراجل مش بيعيط بيقرر يبطل يفعل مشاعره نهائي وهنا مش بس مشاعره السلبيه لا كمان الايجابيه ؛لكن الصح والطبيعي والمقبول اننا كائنات شعوريه ومشاعرنا ضروري انها تتقدر وتحترم ولكن