لا مبرر للعلاقات المؤذيه

مهما حملت طابع المحبه والصداقه والود
احنا ربنا سمانا الانسان لاننا بنأنس ببعض فإذا وجودنا مع بعض مكنش أُنس الأنس مش في الفرحه بس الأُنس في الزعل كمان والحزن
لو العلاقات فيها ضغط اياً كان نوعه من حقنا نبعد
مفيش حاجه اسمها خايفه يزعل

سلامتك النفسيه اهم من اي علاقه بتتعبك
مفيش مبرر يخليني اقول هي اه بتضايقني بس بتحبني
هو اه بيزعلني دايما بس طيب
هي دايما شيفاني بنظره قليله ويتحبطني بس ف الاخر مليش غيرها

مفيش اي مبرر يستحق تأذي نفسك وتقومي من مكان مضغوطه او مخنوقه
القعده اللي تخافي كلامك يتحور فيها متقعديش فيها من الاول
القلب اللي تحسيه مش سالك ليكي اهربي منه
الشخص اللي متابعك عشان يمسك عليكي هفوه او غلطه متفكريش في وده
الناس اللي عايزه تتقدر ومش بتقدرك اقطع معاها
اغلب مشاكلنا النفسيه بسبب الجو المحيط والعلاقات المؤذيه
نفسك ثم نفسك
انت لو نفسيتك اتخدشت هيأثر على الناس اللي مينفعش نبادلهم الا الحب والامان
يبقا ليه من الاول

اجتنب ما يؤذيك تسلم

بقلم
هاجر سرحان