لسه بيحبها
شعر غنائي
بقلم د.مروه شعبان
تحرير : محمد رأفت
بيدور في كل الوشوش على سحرها
طلتها تشفي العليل ويا سلام على همسها
نظرة عينيها تأسرك لو كنت واقف جنبها
الطله في وشها تعطشك غرام فترويك بحبها
لسه بيحبها
أيوا بحبها مش هقدر أنكر وادراي عنها
العيون فاضحاني والنسيم فتن عليا وقالها
بيعذبني نومها بياخدها مني ومش عارف أوصلها
هيجنني بعدها مستحملوش ثواني أنا اصلي بحبها
لسه بيحبها
طول ليلي سهران بفكر فيها وفي قلبها
تملك الكون لو دمعها نزل الكل يجري يروحلها
من كثر حبها بقيت بحب أمشي ورا ظلها
منا أصلي بعشقها وبحبها
لسه بيحبها
الثوانى في بعدها سنه مقدرش أبعد عنها
الخدود وردي والشفايف عنبايه بتحلي فمها
والعود غزال والخطوة مهره تسبق ظلها
منا أصلي بعشقها وبحبها
ولسه تاني وتالت هحبها
