لوحة حنين.

لوحة حنين.
قلام العشق عم تُرسم حدود الزَّمان
مطرح ما كل يوم الشَّمس بتغيب .

انحرفت الرّيشة تا تكتب حكاية حلم
تركت أثر وحروق وجروح ولهيب .

لمّا انخلَط لون العتم بخيط الغروب
علَّم جنون الحبر عا وراق المغيب .

كان القلب فوق الشَّفق محكوم
قاعد على كتاف الوهم شارد كئيب .

كل ما وصل بالعين عا حدود السَّما
بيلحق شُهب عين الحسود تصيب .

هونيك كان جنونها بلوحة وجع
نقلت هموم الكلّ مع نظرة حبيب .

ضاع الزمن وبقيت الذّكرى شاهدة
ما عاد ينفعها البكي وكتر النّحيب .

شعر مهدي خليل البزال .
لوحة حنين.
ديوان الملائكة.
25/5/2024.