ادب وثقافة
لو انت دافع »
اوراقك في المكاتب ما تستناشي…
والكل يضربلك سلام…
واوراقك تبقي في السليم وتمام التمام….
ولو عملت نفسك مش فاهم وعبيط….
ما تسلمشي من لسانهم السليط…
.ويلففوك باوراقك زي المواتير….
من موظف لموظف لسيادة المدير…
وتوقف اليوم كله في طوابير….
ويقولك تعالي بكرة اوراقك ناقصة وما كملاشي….
لو انت دافع لو انت راشي…
مصالحك بسرعة تمشي وما تستناشي….
والاستاذ عبد الصمد يكون حبيك…
والباشا معتمد…
يعاملك معامله احسن من نسيبك…
والاستاذة عطيات…
تقابلك بابتسامه وكلام زي الشربات…..
حتي من غير ما تبص علي المستندات….
تمضي وتختم وحالك يبقي ماشي….
لو انت دافع لو انت راشي….
وسلملي علي الامانه والزمه
والضماير اللي نايمه وما صحياشي…
احمد ماهر ابو نورا
شاعر الصعيد…
