لو شايف
بقلم الشاعرة /أمل الجمل
لو شايف كبيرة ضحكتى
لو استكترت عليا بسمتى
اعرف انى جوايا بيتألم
بابكى بس مخبية دمعتى
مهما زاد البعد وعنك بعدتنى
وخلص الكلام وانت ما سمعتنى
عارف كويس انك جوايا معلم
بس حَكَم القدر وبايدك موتنى
شدة ودن من الدنيا بتعلمنى
والحزن مرحب ماخلاص سِكنى
والقلب مهزوم مستسلم ومسلم
وبهاود الدنيا يمكن بالحُسنى تعاملنى
راضية بنصيبى وقسمتى
وهاكمل طريقى وسكتى
وهانوره مهما كان مضلم
جوايا مارد اسمه جبروتى و قوتى
لو شايف
