مش عشانك كتبت
..كلمات يحيي العبادي..
===============
الكلام ده مش ..عشانك
يالي فكرك لحظه خانك
الي كتبته…. لناس كتير
مش عشانها ولا عشانك
قلب جوه قلب روحي
بالعبير يانفسي فوحي
بكتب الحرف للعموم
مش همومي ولا جروحي
المشاعر…. جواها شاعر
الطريق في النفس واعر
والحكايه لازم ه نكتب
نحكي عن حلم المشاعر
انت فيها….. اه صحيح
انت شايف كون صريح
يبقي شكرا… ليك بجد
مش كلام ممكن يسيح
انت زعلان.. لحظه بس
ايه يخليك بحرفي تحس
انت من جواك .عارفني
ربك بيوحي وانا برص
كل كلمه كتبتها ..عنوان
كل الي فيها حدود امان
توصف مشاعر ناس كتير
الي شاري ناسه والي خان
احفظ بقي من غير كسوف
افهم واعرف ليه الحروف
انت موالك……. لسه بدري
كل سطر ….. وله ظروف
مش عشانك كتبت
