مش هحكي ولا هتكلم
شعر قدر ية مصطفى،
انا مش هحكي ولا هتكلم
ولا هرجع تاني اتالم
ده قلبي خلاص اتعلم
مين يحب ومين يتسلى
كان حبك وهم في خيالي
ضحكه سراب في بحر ليالي
سبتني لوحدي في مواني
غرقانه في وجع وسكوني
روح وخد من عمرك دروسك
الدنيا هتديك بفلوسك
زي ما تاخد زي ما تدي
واللي يزرع شوك يحصده بيدي
الحب مش لعبه ولا تجاره
ده وعد ده عهد ده حضاره
ده عقد بين روحين صفا
زي النسيم لما يعشق الدفى
الحب نار وسحر وحنين
ولما يخونوا يبقى طين
انا قلبي نار ودموع عيون
لكن واقف بعزه وسكون
لما القلب ينكسر مره
ما يرجعش تاني بالمره
انا جربت طيبه قلبي
طلعت غلطه ومره
انا مش ضعيفه ولا ندمانه
انا عندي احساس وكرامه
سبتك للدنيا وجزاها
تعرفك قيمه الندامه
كنت حبيت بس في كلام
وفي الفعل كنت اوهام
دلوقتي خلي الايام
تعرفك معنى الغرام
لكن انا هقوم من وجعي
زي الورد بعد المطر
رجعت لنفسي بقيت قمر
غسلت وجع بنور الامل
وتعلمت ان البعد عمل
عرفت ان البعد كرامه
والجرحه علامه
واللي يحب بصدق يعيش
واللي يخون ما يلزمنيش
مش هحكي ولا هتكلم
