مصر الحبيبه/بقلم: يحيي العبادي
السيره حلوه انا عايشها
مذكوره دايما مع جيشها
والي مايعرفش مصر دي مين
لاشاف حياه ولايوم عاشها
خليها دايما علي بالك
بالخير تغير احوالك
تفرح معاها بايامها
وتعيش مع عمك خالك
خليها أجمل في خيالك
ماهي ام حلمك دعيالك
مهما تكون قاس في طبعك
هاتكون رحيمه علي حالك
ياحبيبي دي ام الدنيا
مصر الحبيبه مش حاجه تانيه
في القلب دايما موجوده
مقدرش افوتها ولا ثانيه
حافظ يامصري علي قيمتها
خليك معاها في كلمتها
مصر الكبيره بكل أوان
مقدرش حد ….يسكتها
عن خيرها اسأل خلق الله
والي بتديه دايما تنساه
كل الي زارها بيحكي تاريخها
شاف الآثار ويقول الله
احكي عليها وقول تاني
انا الي كاتب ليها اغاني
وانا المتيم هي حبيبتي
من عشقها قلبي ..يعاني
السيره حلوه انا عايشها
مذكوره دايما مع جيشها
والي مايعرفش مصر دي مين
لاشاف حياه ولايوم عاشها
مصر الحبيبه/بقلم: يحيي العبادي
