مطلوبة بنت
عادل محمود
مطلوبة بنت من العياط
متكونشي غاوية نكد وعياط
متكونشي بتخاف م الظباط
مطلوبة بنت !!!
مطلوبة بنت من الفيوم
متكونشي غاوية يا خلق هموم
ومعاها ميش راح أكون محروم
مطلوبة بنت !!!
مطلوبة بنت من الجيزة
تكون قمر تبقي لذيذة
والنفس عنديها عزيزة
مطلوبة بنت !!!
مطلوبة بنوتة صعيدية
لابسة الحجاب والجلابية
الدم حامي وتبقي تمام
زي الهدوم المكوية
مطلوبة بنت !!!
مطلوب بنات م المنصورة
الأصل أجمل م الصورة
الشعر يبقي يا خلق حرير
وعيونها شبه العصفورة
مطلوبة بنت!!!
مطلوبة بنوتة عشقاني
ذات الجمال الرباني
تكون أصيلة ومصرية
متكونشي تقفيل تيواني
مطلوبة بنت!!!
ومازال البحث مستمر
مطلوبة بنت
