مفيش حد زيك
بقلم/نشأت البسيوني
في لحظة معينة الانسان يفهم انه مش نسخة من حد ولا امتداد لحد ولا ظل ماشي ورا حد الانسان الحقيقي مش بيتكرر ولا يتقلد ولا ينحط في مقارنة مع اي حد لانه ببساطة مفيش حد زيك مفيش حد مر باللي انت مريت بيه ولا شال اللي انت شلته ولا وقف الوقفات اللي انت وقفتها ولا اتوجع الوجع اللي خلاك بالشكل ده ولا عبر الطرق اللي علمتك قسوة وهدوء ووعي وذكاء مفيش
حد شاف الدنيا من عينيك ولا حسها من قلبك ولا قابل ناسك ولا عاش قصتك انت مش مجرد اسم ولا مجرد وجود انت تاريخ كامل جوه روحك محدش يعرف تفاصيله غيرك تاريخ مليان سقوط كان شكله نهاية وطلع بداية ومليان وجع كان شكله كسر وطلع تعديل ومليان خيبة كانت شكلها ضياع وطلعت حماية ومليان لحظات محدش قدرها لكنها هي اللي عملت اللي انت عليه النهارده الانسان
اللي يستوعب انه مفيش حد زيه ما يخافش من مقارنة وما ينشغلش بحد وما يخفضش قيمته عشان حد وما يقفش نفسه عند حد لانه فاهم ان الطريق اللي ماشي فيه معمول له هو وان الحلم اللي بيجري وراه مكتوب باسمه هو وان التعب اللي بيتحمله مرسوم على مقاسه هو وان النجاح اللي مستنيه جاي له هو الانسان اللي يعرف انه مش نسخة يبطل يبرر ويبطل يحسب خطواته على
مزاج الناس ويبطل يخاف من غلط ويبطل يخاف من تأخير ويبطل يخاف من نظرة لان اللي عارف انه حاجة مش موجودة عند غيره يستحيل يقلل من نفسه مهما الدنيا حاولت يتعامل بثبات غريب هدوء يغيظ قوة من غير صوت نظرته بتقول انا مش شبه حد ومش طالع مكان حد ومش بنافس حد انا بنافس النسخة اللي كنتها امبارح انا بطلع فوق كل يوم خطوة حتى لو محدش شايف
حتى لو محدش مصدق حتى لو الطريق طويل لاني عارف ان مكانتي جايه ومكتوبة ومحدش هياخدها قبلي مفيش حد زيك لا في قوتك ولا في ضعفك ولا في طريقتك ولا في حضورك ولا في روحك انت حالة خاصة حالة تتشاف مش تتقلد حالة تتحس مش تتقارن واللي يفهم قيمته دي يمشي في الدنيا واثق انه مش مجرد عابر لكنه بصمة والبصمة عمرها ما كانت زي حد وعمرها ما اتكررت في حد وعمرها ما هتتكرر تاني في حد تاني غيرك
مفيش حد زيك
