من حكايات «الف نيلة ونيلة» بقلمي الاديب الشاعر احمد ماهر ابو نورا من حكايات «الف نيلة ونيلة» قالت شهرذاد: بلغني ايه الملك السعيد.... ذو الراي الرشيد.... انه في احدى الايام.... ان ام اسلام... اشتاقت لصديقها.. فهي لم تراها منذ شهور وايام..... وامسكت الهاتف... واتصلت علي صديقتها عواطف... فهي لم تراها منذ مدى ... من يوم عيد ميلاد ابنتها ندي.... الحلقة الاولى * ندالة نسوان * هي: الوووووه..... هو : مييين.... هي: تليفون ام ندي... هو: لا ء .. بس انا ابو ندي هي: انا اسفه بس هي مره رنت منيه... وانا رديت عليه.. افتكرته تلفونها... قولت اكلمها... طيب لو سمحت هي فين...؟؟؟ كنت عايزاها في كلمتين... هو : طيب انتي مين يا مادام...؟؟؟. هي: انا ام اسلام... هو : ام اسلااااام... ايه الاخبار تماااام... واخبار الاولاد وابو اسلام.. والله وحشتينا ... ويوم عيد لما كنتي زمان تاجي عندينا... وتزورينا.... فينك من زمان ولا عودنا شيفينك ... ايه اخباركم.. والله العيال متوحشينك... ام ندي..... مشغوله في تحضير الغدا... وطلعت فوق علي السطوح.... بتنضف في الفراخ المدبوح.... دقيقه وهندهالك... بس بصرااااااحه... يا بخته ابواسلام وهنيالك ... من يوم ما اخدك بقي تمام وحالته في تقدم للامام.... اومال مش واخد قمر اليالي...وبدر التمام... يا بختك يا ابو اسلااااام.... هي : ياسلاااااام... ليييييه....؟؟؟؟؟؟ هو: من يوم ما اخدك والخير عمال معاه بيذيد.... ما هواللي يتصبح بوش زي القمر لازم لازم تفرج عليه وايامه كلها تبقي عيد.. هي: يا سلااااااام...!!!!! طيب ما انت يا بختها بيك المدام.... واخده واحد زي القمر.. طول بعرض....و.محبوب من طوب الارض.. وبيعرف يقول احلي كلام..... مش ازي ابو اسلااااام....... بيحدف طوب ودبش في الكلااااام.... هو : يا ريتني كان معايه وحده في جمالك.... كنت كتبت فيها دواوين... دا انتي جميله جمال ما فيش منه اتنين... . دي عيونك تخلي الحجر ينطق ...والصخر يلين... وتخلي الكلام... يطلع يرفرف من القلب زي الحمام.... يا بختك يا ابو اسلاااااام..... هي: يا سلااااام... هو : وحياة المرحوم عبد السلام.... هي: عبد السلام مين...؟؟؟ هو : دا واحد كان بيبيع ملامين... هي: هههه ههههه... يا بختها بيك ام ندي .. دا انتي دمك شربات اكيد متهنيه ومتبغدده.... وانتي معيشها عيشة الرضه... بس انت باين عليك شقي.. اتقي ربنا اتقي... ياراجل دا انت شعرك شاب... هترسم عليه دور العذاب... هو: والله انا معجب من زمان... دا انتي ورده طارحه علي عود ريحان... هي: طيب وايه اللي خلاك ساكت ماكنت تلمح... و تقول وتصرح.. وانابصرااااااحه معجبه بيك... وكنت افرح لما اجي اليت واطل عليك.... انت راجل ذوق وشيك..وما فيش حاجه تعيبك... يا بختها اللي اتكون من نصيبك.... هو: انا النهردة بجد مبسوط.. لاني سمعت احلي صوت بس ليه طلب بسيط قبل ما انسي وياخدنا الكلام.... انتي ماشاء الله الحال معاكي تمام.... انا بس محتاج قرشين.... مزنوق لشوشتي وعليه دين... وهرجعوملك بسرعه قوام... هي: ايوه يعني محتاج كام....؟؟؟؟؟؟؟ ميه... ميه وخمسين... اوامرك علي الراس و العين..... هو: والله هما بصراحه الفين... وهرجعوملك كمان شهرين.... هي: الفييييين..؟؟؟؟؟؟؟ داااادددا احنا والله علينا فلوس ومداينين... هو: دا انا سمعت الشهر اللي فات انيكم اشتريتوا حتة ارض بنص مليون... وانتي ورسالك ميراث حلو من المرحوم... صح والله ربنا يكون في العون... هي: ربنا يحرسنا ياخويا من شر النق والعيون.... مين... مين...؟؟؟؟؟؟؟؟ معلهش الباب خبط خبطتين.... باين عليه ابو اسلام... لما طلع نسي تليفونه.. .. وجاي ياخدوه قوام... هو: طيب استني انا هندهلك المدام... هي؛: لاء خلاصصص سسلاااام.. سللاااام..... هو: الووووو... الوووووو يا بنت الحرااااااام... الله يولع فيكي بجاز وسخ انتي وابو اسلام.... احمد ماهر ابو نورا شاعر الصعيد
