مو صلاح.

مو صلاح.

بقلمي/السيد حسن.

(فتحي ابو طاحون)

أيوة دا فرعون متفرعن.

ودماغه ناشفة أوى متأرعن..

ثابت نفسه ف أى مكان.

ولا هولاكو ولا چنكيز خان..

دا الكل بيعمل له حساب.

ف الملعب دا مش كداب..

وياويله إللي يقرب منه.

من زوره بيعدي إكمنه..

واد حريف سرعته نفاسة.

لا بيهمه مسك ولا حراسه..

رجليه عارفه طريق الجون.

الكورة بتطوعه لأنه حنون..

واساسه ابن الصالحين.

مو صلاح ده حبيب الملايين..

لا تقول لي مسي ولا رنالدو.

دا بيلعب الكورة بيلياردو..

بيحطم كل الأرقام.

واي دفاع قدامه بيهده….

لا تقولي شمشون ولا عنتر.

بين الكبار ف تاريخه بيسطر..

فخر لكل الوطن العربي.

اسطورة مصري وكمان غربي..

حتى النني كمان ده اوربي…

ومصطفى يا مصطفى.

نوره والع ما بينطفى..

دى فرنسا مولعها نار.

جلاد للحراس جبار..

هما دول المصريين.

دايما تلاقيهم أحرار….

           بقلمي.

  السيد حسن.

(فتحي ابو طاحون)

3/10/2023