نصيحه من القلب)

قصيدة ((نصيحه من القلب)) 

بقلم الشاعر عاصم بكر علي منصور

نصيحه من القلب)

نفسي اقولك نصيحه كلامها جميل ما يوجعش

قدم الخير لكل الناس بس عليه يوم ماتندمش

 

ال يمشي في طريق الله تاجر كسبان مايخسرش

 يهديك لطريق النور و الحق لغير الله ماتلاجاش 

 

اوعاك تجرح عزيز و بعدين تيجي تقول معلش

علشان كلمة معلش بعد الجرح صدقني ماتنفعش

 

خليك طيب الروح للخير علي نفسك ماتبخلش

ربك كريم مدايدك بالدعاء بابه مفتوح مايتقفلش

 

 بتقسي ع القلوب تيجي تطلب الحنيه ماتعرفش

 علشان الحنيه صدقني بعد الجفي ما بتنطلبش 

 

بتشيل النفوس منك لوشالت عمرها ابدا متصفاش

 منين عايز تطلب الصفي علي نفسك ما تضحكش

  

صعب الم الوجع لما.يجي من حبيب ما تستهونش

اه و الف اه الم الروح وجعها صعب ما يتوصفش

 

اياك تغدر بعدين تطلب الامان ال يغدر ما يتامنش

اصل الغدرلوجاي من الحبايب بيطول ماينشفشش

 

خلي كلامي قدامك طريق و ياريت منه ما تهربش

 اللي بيمشي في طريق النورمن الضلمه ميخافش

 

شايل جواك هموم العمر راح علي دنيا ماتستهلش

السفر قريب و الذاد قليل القبر بيصرخ مابيرحمش 

 

انا بس كان نفسي اقولك نصيحه و مني متزعلش

علشان النصيحة من بعد الغلط صدقني ما بتفدش

 

قصيده ((كلام من القلب))

الشاعر عاصم بكر علي منصور