نفسي يااما
نفسي يااما أبكي ليكِ
وتروحي ضمه
لقلب ابنك وقت غمه
واترمي أنا بين اديكِ
وارتحلي حبه
واستخبا جوه حضنك
وانت ضمه
نفسي أرجع طفل ليكِ
أشرب الحب ف عنيكُِ
وانسى أي حزن ليا
دي الحياه عليا صعبة
وانتِ قبلي منها شاربة
وعارفة إني محتاج لضمه
وبين ضلوعك أستخبا
فاكره يااما لما كنا معاكِ لمه
وكنا نلعب ولما نغلط
بنستخبا وانتِ عارفه
والله يااما من غير غلط
نفسي أستخبا
بس جوه حضن قلبك
و بحنانك تيجي ضمه
دانتِ ليا كل حاجه
دانتِ نعمه
وروحي من بعدك تروح
والحياة هتبقى ضالمة
والهموم هتكون بديلك
والسعادة فكرة شارده
والحنان الدافي بعدك
فكره بارده
نفسي يااما أرجع الطفل
اللي ليكِ وبحنانك
تيجي ضمه
بقلم الشاعر فهمى محمود حجازى
