نقطه من اول السطر
كان يوم ركوبك اكبر غلطه
بقلم د/حماد مسلم
كان يوم حبك اجمل صدفة دي مطلع اغنية للعندليب ..كان يوم ركوبك اكبر غلطه ودي اغنية الغلابة…كان يوم ازرق قول اسود قول مطلعش ليه شمس عندما فكرت ان اذهب مشواري بوسيلة مواصلات هيئة النقل العام قول كده اتوبيس الغلابة ابو خمسه جنيه ونص ركبت الميكروباص وذهبت للموقف بصراحة لقيت الاتوبيس واقف وشكله بامانه يفرح طلعت لقيت كرسي جلست علي المقعد والاتوبيس جميع المقاعد اصبحت مزينه بالركاب بسم الله مشاء الله قولت جميل الاتوبيس هيتحرك قول ربع ساعة مرت وطلع المحصل وفي ايده كوبايه علشان اخينا عايز يشرب شاي وشويه قول ربع ساعة لقيت الطيار (السواق)طالع يجيب كوبايته علشان اخينا لسه فاطر وعايز يحبس يعني كده لسه الاتوبيس متحركش والواحد جاله ضغط وسكر والتوتر المصاحب للرحله المهم اخينا المحصل طلع بعد نصف ساعة علشان يقطع التذاكر واخينا الطيار طلع ينوي الذهاب بصراحة انا قولت كتر خير الناس اللي بتستخدم الاتوبيس في التنقل لشغلها عرفت اللي عايز يذهب لعمله الساعة تمانيه يذهب للموقف من الساعة سته علي اي حال الاتوبيس تحرك من الموقف ولا يوجد مكان لقدم والمحصل لاير دد سوي كلمة الاتوبيس (فاضي من جوه )ادخل يااستاذ بخلاف الروائح التي انتشرت زي الصاروخ وطبعا احنا في شهر الصيف ولسه الاتوبيس لم يتحرك محطه واحده الاتوبيس بقي لحم في لحم وعلي فكره انا قاعد علي كرسي وبتعذب ياتري اللي واقف اخباره ايه علي العموم لقيت نفسي خلاص هطق نزلت اقرب محطه وقولت استحمل رذالة سواقين المكيروباص لاني مش قادر استحمل برود وتلامه سواق هيئة النقل العام كل شويه ينادي زي كده عتبه عتبه عتبه سئلت نفسي هل الهيئة بتنتقم من الشعب وكمان الوقت عندهم لاقيمة له ومش مشكلة الرحلة اللي تستحق ساعة تصل بعد ساعتان قول تلاته التوقيت ياساده له احترام علمت ان اغلبية الشعب مريض وعنده احباط واكتئاب ويري الدنيا سوده ليه هل هناك مايمنع ان يكون هناك اعلان عن كل رحله ساعة التحرك وساعة الوصول واحترام البني ادم ولايسمح بالركوب مادام الاتوبيس كامل العدد بصراحة نفسنا نعيش بني ادمين ونفسنا اي مسئول يعمل من اجل توفير الخدمة والراحة للمواطنين مع ان تطبيق هذا سهل ولكن العشوائية في القرارات والعشوائية في تنفيذ القرارات تجعلنا نصاب بالاحباط في النهاية نريد من هيئة النقل العام ان تكون رحيمه بالمواطنين نعلم ان هناك في الهيئة افاضل كثر ولكن القلة يجعلون الصورة سوداء امام المواطنين نريد ان يكون اتوبيس هيئة النقل العام وسيلة نقل للمواطنين ولا تكن خلاف ذلك لان المواطن استحمل كتير ومبقاش يستحمل كمان رذاله القلة من هيئة النقل العام
…..الخلاصة
المواطن الغلبان البسيط كل يوم يأخذ صفعه علي خده الايمن علي كام شلوط بتوع شلوطك ياحكومه دفعه الامام والله احنا بنحب البلد دي وشاركنا في ثورة الثلاثين من يونيو وعايزين بلدنا اجمل بلد في الدنيا لانها في الحقيقة اجمل بلد في الدنيا
……فيتووووووو
ياريس في ناس بتخلي الشعب يخرج من هدومه وبيشتغلوا ضدد البلد ياريس الفساد بيخرج لنا لسانه
