نور الفؤاد/بقلم: الشاعر محمد عبد العزيز رمضان
بحبك بحبك
يا نور الفؤاد
يا عمري وحياتي
سنين ذكريات
بقولها وبصرخ
يا أجمل حاجات
يا شمس الحقيقة
في ليلى اللي فات
ومهما هقولك
كفايه البعاد
بعادك بيحرق
كفايه العناد
بحبك بحبك
يا نور العيون
يا زهرة حياتي
يا قلبي الحنون
يا أول وآخر
حكاية جنون
وليلي ونهاري
ودمع الجفون
ورمشك رماني
ف بحر الظنون
وصعب إني أبعد
وصعب إني أخون
بحبك بحبك
ومش مستحيل
بإني أضحي
بليلي الطويل
ولو عاوزة عمري
لحبك دليل
كفاية بإني
لقاكي سبيل
يازهرة حياتي
يا حلمي الجميل
عرفتك وشفتك
ودايماً بميل
بحبك بحبك
ودا مش جديد
لأنك حقيقي
غرامي الوحيد
وقلبي بينده
عليك من بعيد
بعادك بيوجع
دا صعب وشديد
دوايا ومنايا
وشوقك يزيد
يا أحلى الصبايا
يا حبي الفريد
بحبك بحبك
يانور الوجود
يا بسمة رقيقه
بعطر الورود
جمالها أخدني
وفاق الحدود
جرحني وسابني
برغم الوعود
ونفسي يقرب
ومني يعود
ولا يوم يفرق
ما بِنَّا حدود
نور الفؤاد/بقلم: الشاعر محمد عبد العزيز رمضان
