هس
عادل محمود
قاللها نرجع قالتله
هس
قال بحبك قالتله بس زاد ولح كتير عليها
ردت وقالتله بص
اللى انكسر مبيتصلحش
وأنا قلبى خلاص
اتقفل من ناحيتك بقفل حديد
وتانى ليك ميتفتحش
دانا قلبى من قسوتك انطفى
دووق بعادى يمكن تحس
بفرق بينى وبين وحدتك يمكن تحس
يمكن لما متلاقيش حنيتى
وقلبى الطيب اللى كان شايل معزتى
وكان عليك بيخاف وبيك بيحس
وكنت قاسى وظالم وناسى
ومكنتش بيا خالص بتحس
ولو كنت راجعت نفسك
وحسيت انك غلطت فى حقى
وانك ندمان على كسر قلبى
ابقى تعالا وقولى نرجع
وأنا برضوا هقولك مش هينفع
ومش هتسمع غير برضواااا
هس
