هو مش عايز يخسرك ولا مستخسرك ؟! بقلم رانيا البدرى اللى بيخاف على زعلك ووقت الخلاف يصمم يتناقش معاك لغاية ما توصلوا لحل و يرفض يسيبك متضايق دة شخص مش عايز يخسرك ، و دة معناه أنك من ضمن أولوياته و عارف إن حياته ناقصها كتير من غيرك بالتالي هو عارف قيمتك كويس . اما اللى بيمشى سواء فيه سبب أو مفيش و يغيب عنك بالأيام والأسابيع و الشهور و بعدين يرجع يتواصل معاك ف دة شخص مستخسرك ، انت بالنسبة له مجرد رقم فى قائمة الناس اللى حواليه أول ما الارقام تقل بيرجعلك و طول ما هو بعيد حياته ماشية عادى لأنه لو مفتقدك مكنش سابك أصلا . طبعا فيه فرق كبير بين الاتنين و مش محتاجة اقولك أنك لازم تحافظ على اللى مش عايز يخسرك أما اللى مستخسر .. ف دة احنا لازم اللى نخسره بكامل إرادتنا لأن وجوده زى عدمه مش هتلاقيه جنبك لو بتمر بوقت صعب مش هيسندك ولا يطبطب عليك . انت عديت باوقات صعبة كتير من غيره فميستحقش يكون معاك فى اوقاتك الحلوة هو مش عايز يخسرك ولا مستخسرك ؟!
