ياحـته مـــن روحـي

   ياحـته مـــن روحـي  

  ‏بقلم معوض حلمى

   ‏

أنا قولت حبيتك … ياحبيبتي واتمنى

لو قولتي حبيتك … هاجيبـلك الحـنه

ياحته من روحي … مشتاق لصفصافك

لو زادوا ف جروحي .. مش هانسى أوصافك

ونزلت ف غيطانك … فلاح معاه الفاس

في البحر قبـطانك … ودفتي الإحساس

إمتى الظنون ترسى .. وتفتـحي المرسى

ياحته من روحي … مشتاق لصفصافك

لو زادوا ف جروحي .. مش هانسى أوصافك

أنا بيكي باتعايق .. ياعايقه في النني

يام الجـمال رايـق .. ياحبيبتي ماتحني

مستني على بابك .. متوضي بترابك

ياحته من روحي … مشتاق لصفصافك

لو زادوا ف جروحي .. مش هانسى أوصافك

كل الـورود بتـغير … من خدك الوردي

واحـس إني أمـير … لـو تطلـبي ودي

بافرد جناحي واطير .. ف سماكي زي الطير

ياحته من روحي … مشتاق لصفصافك

لو زادوا ف جروحي .. مش هانسى أوصافك

بايعاني وانا شاري .. مانسيتش عنوانك

على عـزف أوتاري .. باغــني مـــــوالك

ياغـزاله مسـحوره .. ومنــوره الصــوره

ياحته من روحي … مشتاق لصفصافك

لو زادوا ف جروحي .. مش هانسى أوصافك

بقلمي خون أنوب الجديد معوض حلمي 

منشأة بطاش .. تمي الأمديد .. دقهلية

   ياحـته مـــن روحـي