يارب ابني بحلمه ارضيه
يارب ابني بحلمه ارضيه
كلمات يحيي العبادي
مش قاد اقول ولا اتكلم
لأمر الله انا ماشي ومسلم
مهما عشت كتير….بأحلامي
حلمي عايش جوايه ومعلم
اكتب ياقلم قول واتكلم
ارسم سطور الأمل علم
انا الي حلمي افرح بأولادي
عشانهم بس موجوع وبتألم
يارب تفرح وتعيش ياابني
يارب حياتي هديتي لابني
عشانه سهرت ……الليل
عشانه بجري وليه بأ بني
يارب انت المعين حقق أحلامه
حقق مراده واسعد أيامه
يارب دايما احفظه وراعيه
خليه عزيز في فعله وكلامه
يأرب ابني ماليش غيره
يارب خليه عايش بضمير
يكون وسط الناس محبوب
يكون الحق فوق رأسه وكبيره
يارب ابني والبنا له اساس
هوه الي مني. اعز الناس
هوه السند والحب والعزوه
يارب دايما بالخلق يكون حساس
يارب ابني احفظه واحميه
يارب صونه من رضاك ارضيه
يارب ابني وعشت الدنيا علشانه
لو طولت افتح قلبي فيه اداريه
يارب ابني احفظه واحميه
يارب انت الكريم اكرمه وارضيه
