يالى ماسك بإيدك الجام

يالى ماسك بإيدك الجام
كلمات الشاعر صلاح على
اتبَحطر الهوا يمين وشمال
قولى هوانا بعتوه بكام؟!
انا جاتلى خنقه وبستعجب!
الجام يفلت ما عدش يعجب!
امورك بقى ليها العجب..
وانا من حبى ليك العتب!
لا شفنا ظهر ولا حكمه
ولا حتى قناة بتمر
انا مساندك فى ظهرك
وشارب المر
الشعب داق كاسات المر.
وعايش وبيقول أيام وبتمر…
هيا بقيت تجارة
والمثل بيقول التجارة شطارة
طب هتبيع المر لمين؟
مش هتلاقى ناس تانيين..
على الصبر من صغرها مضطرين