ياما التراب بيتاوى بقلمي/فتحي ابو طاحون اشتريت الهوى طلع الهوى بياع!و عشقت ف حياتى قمر. طلع القمر خداع!! نوره ساعات فرح. و ساعات مليان أوجاع!! قلت اغسل يا بحر فيك همومى. لاقيت الهنا فيك متباع!! لا طبيب ولا شيخ بيداوى! وكل اللى شافونى قالوا مخاوى و انا من كتر ما فيك شفت بلاوى؟!! هانت عليا بلوتى ياما التراب بيتاوى؟؟!! أصل الحياة مدرسة فيها الفرح والاحزان. مفيهاش حاجة دايمة وتسلم نعمة النسيان.. بتنسي الجراح اوجاعها وتحلي مرارة الايام و مهما اتعلمنا وخدنا نصايح بنموت، و احنا لسه ناقصنا علام؟!!! دا اللى يقطف الورد من شوك؟ لازم يدوق جرحه؟! وياما ناس زرعوه ف الحب؟ كان نصيبهم من الشوك طرحه؟! دى قصص المجروحين فيه؟ كتاب يطول شرحه؟! أوعاك تانى يا قلبي تميل؟ على قلب ف الحب معجون أحزان؟! حتندم وثصبح معاه عليل! حترجع مكسور الجناح ندمان؟! أختار اللى حب وبخته قليل! حتلاقى نفسك بالهنا شبعان!! و ان دخلت بيت خد منه طالحة؟ ماتخفش طول ماالام صالحة!! و لا تاخدش صالحة من بيت؟ تكون الأم فيه طالحة؟؟!! لاحتشوف هنا ولا فرحة؟؟؟!! ..وبنار الكيد راح تتكوى!! ... وعليك السوء راح يتذاع!!! .. دا انا اللى اشتريت الهوى!! ... طلع الهوى بياع!!! .. وعشقت ف حياتي قمر.. .... طلع القمر خداع!!!! ياما التراب بيتاوى
