ادب وثقافة
يا أهل الهوي دلوني
يا أهل الهوي دلوني
د/عمر عبد الجواد عبد العزيز
حبيبي ضي عيوني
صعب عليا لقاه
سنين عنه بعدوني
و ما قدرت يوم أنساه
يا أهل الهوي دلوني
أعمل إيه وياه ؟؟
كتير وصفوا لقلبي
في قتل الهوي دواه
و انا ربي وحده عالمبي
حرام يقتل المرء ضناه
طيفه بلاقيه بقربي
و حتي في منامي بلقاه
هو أول حب ليا
كان مالي الدنيا عليا
هو حبيبي و ضي عنيا
قولولي فين ألقاه ؟؟
حبه في قلبي ساكن
و طيفه في كل الأماكن
قلبي مشتاق له ولكن
ما عاد لي حيلة في رؤياه…
لا عشقت يوم غيره
منا كنت حبيبة و طيره
مين لقلبي يجيره
من مُر الزمن و أساه ؟؟
★★★★★★★★★★
د/عمر عبد الجواد عبد العزيز
