يا ست الحُزن
يا شاغلة بال الشُبان
عاشقك درويش
وبعشقه بقى غلبان
سألوه الناس مالك يا حزين
حيران وعينيك زايغين
شاور على قلبه المسكين
وبصوت مبحوح كان بيقول
أصبحت عليل!
تايه من ساعة ما فارقت هواها
آه ياني
حلوة وعجباني
عيونها دي سكني وعنواني
وهواها ميداني
ورموشها دليل
معقول أنا تايه في الحلم
أو اكون مسحور
قالوا يمكن صابَك مَسْ
أو دَرب جنون
قال مين في العشق دا كان عاقل
ومين في خياله كان موزون!
بقلم
وحيد صبري
