يا عيني علي الحب
كتبت مرفت عبدالقادر
هو الحب ليه أسباب
ولا عمر ولا له أوقات
ولا ليه وعشان ايه
ولا ليه أنت بالذات
الحب سهم حلو وشهم
فرح قلبين شوق وحنين
بتشوفه العين أحلا طعم
ما أحلاه فى عز السكات
الحب لما يزور حبيب
بينسى إنه عاش غريب
والقلب من شوقه ولهفته
دقه بيكون غير إللي فات
ياقلبي أنسى الماضي
وأفرد جناح الأمل
الهوى سكن دياري
والجمال بحبيبي أكتمل
حب الحب حبه بجد
وأنسى الوحدة والآهات
