ياغربة الليالى بقلم سكينة الصولى جاوبينى عن سؤالى ليه واخدة بالك منى وفصولك حاتجننى والدمع فاض فى الننى من كتر ماجرالى ياغربة الليالى ٠٠ بصيت فى الكون حواليا لقيتك جاية وعليا عملتى فيا كتير قاصدنى بدون تفسير إدينى ولو تبرير عشان أكتم بيه عزالى ياغربة الليالى ٠٠٠ يكفانى مناهدة خلاص داأنا تهت فى دنيا الناس ولاعادليش بينهم خل شايلين لى الخوف والغل ليه معيشانى فى الذل ماتشوفى حد بدالى ٠٠ ياغربة الليالى ٠٠ ياغربة الليالى ٠٠٠ فين هو حبيبي الغالى سايبنى فى حبه ألالى وهو لا يبالى ياريت ياغربة يرجع يتكلم وأنا أسمع والحب مابينا يجمع ونعيش سمر الليالى ياغربة الليالى ٠٠٠ لو جانى حبيبي صحيح حانقفلك وسط الريح ونكيدك والعزال ونزيح جبل الأهوال ولا يبقى بينا فصال وعلى الله كل وتكالى ياغربة الليالى ٠٠ أنا نجمة العلالى يا غربة الليالي
