يا قلبي كفايه تتنهد
يا قلبي كفايه تتنهد
بقلم :محمد أبوزيد
يا قلبي كفايه تتنهد
بص لحلمك
وقفت بعيد تهت في عالم تاني افتكرت صديق قديم كنا بنضحك من القلب وتايهين لا كنا بنعمل حساب لبكرة ولا من الشقي والهم دايقين يومنا كان كله حكايات وهزار وساعه الجد نقف كتف في كتف والجدع يسد دورت كتير ما لقيت رساله منك ولا حتي في خيالي مريت تصدق كنت لسه بضحك علي يوم ما غنيت غنوة جميله من القلب تسري قلت غني كمان وكمان صوتك كله أشجان ..
حلمك لربك وهوه داري بتعبك
فاكرني نسيت دي أنا بعدك ما لقيت قلب حنين ولا حد غالي هفتكر ايه من زمان غير لمه حلوة وناس صافية ومشاعر طالعه من القلب دافيه .
بتنهد ولا أنت داري
يا فرح غايب ومخصمني لا سألت مرة عني ولا عديت في يوم جمبي بجري وبعافر لا شايف بر ولا مراسي حلمت كتير واحلامك قدامك ويا قلبي بلاش تنهيد وتاخدك أحلامك لبعيد وعلي كابوس وأماني تايهه توديك .
يا قلبي سيب حلمك لربك وهوه عارف وحدة قد ايه تعبك وهوه وحده اللي هيعوض صبرك ومهما قابلت في طريقك ناس تهدك وحدة بس هوه اللي هيعلي فيك وينصر تعب وسنين ضاعت من عمرك يا قلبي كفايه تتنهد .
