نداء إلى السيد محافظ السويس والسادة المسؤولين:
بقلم الشاعرة: قدرية مصطفى
أرجوكم شوفوا حال الناس وراجعوا الأسعار والتعريفات الجديدة،
السويس وأهلها الغلابة مش ناقصين وجع جديد
الرحمة مش ضعف، الرحمة قوة وعدل وإنسانية
كل شوية نسمع عن زيادة جديدة في أسعار البنزين!
هو كل فترة لازم نسمع نفس الجملة “زيادة البنزين”؟!
طب الناس تعمل إيه؟ تاخدها ماشي على رجليها ولا تشتروا عجل ونرجع زمن الدراجات؟ 🚲
يا جماعة اتقوا ربنا في الناس
الأسعار نار والمصاريف زادت، والناس خلاص ما بقتش قادرة تتحمل
الواحد عشان يروح شغله أو مشوار بسيط بيدفع في اليوم 8 جنيه مواصلات على الأقل،
وفي الشهر بيبقى مبلغ كبير جدًا على أسر غلابة مش لاقيين يكفّوا أكلهم ولا إيجارهم ولا مصاريف أولادهم
اتقوا ربنا في المواطن البسيط،
ارحموا من في الأرض يرحمكم من في السماء 🌧️
إحنا مش بنطلب رفاهية، إحنا بنطلب رحمة وعدل
نداء إلى السيد محافظ السويس والسادة المسؤولين
