حين يثقل القلب بما لا يقال
بقلم/نشأت البسيوني
حين يثقل القلب بما لا يقال ويضيق الصدر بكلام كتير مش لاقي له مخرج واحس ان الايام بتمشي ببطء غريب كأنها مش عايزه تسيب مكانها وان كل حاجه حواليا بتكرر نفسها من غير ما يحصل فيها اي تغيير وكل حلم كنت فاكر انه هيتحقق اتسحب من تحت ايديا كأنه عمره ما كان وكل لحظه كنت مستني فيها فرحه لقيتها بتتبدل لحزن والصوت اللي كنت مستنيه يطبطب على قلبي عمره ما جه
وكل طريق مشيت فيه لقيته بيرجعني لنفس النقطة اللي هربت منها وافضل ماشي من غير ما افهم انا رايح فين ولا جاي منين وقلبي بيحاول يحتمل رغم كل الوجع اللي بيعدي عليه وكل مرة اقول يمكن اللي جاي يكون اخف يمكن يكون احسن يمكن تكون فيه ضحكه من غير تمن يمكن تكون فيه لحظه هدوء اقدر ارتاح فيها بس الاقي الواقع بيشدني لتحت اكتر واحس ان النفس اتقل
والروح ابعد والقلب مش قادر يشيل اكتر من كده وكل الوجوه اللي حواليه ماشية في حالها ولا حد بياخد باله من حد وكل واحد شايل تعب يكفيه ويكفيني ويمكن يزيد والليل بييجي كل يوم كأنه بيحاول ياخد اللي فضل من الصبح وياخد اللي فاضل مني وكل حاجه تبقى ساكته وانا بس اللي سامع اللي جوه قلبي وصوته عالي قوي بس محدش سامعه غيري ومهما حاولت ابعد عن الافكار اللي
بتوجعني الاقيها بترجع تاني بنفس قوتها ويمكن اقوى واحس اني تايه وسط دايرة مش بتخلص وكل باب اقرب له الاقي وراه باب تاني يتقفل في وشي وكل ضحكه بحاول أخلقها بتموت قبل ما تعيش وكل لحظه راحة بتختفي قبل ما احس بيها وبرغم كل ده الاقي نفسي ماشي يمكن غصب يمكن امل يمكن عادة بس ماشي يمكن علشان فيه حاجه جوايا لسه مش عايزه تموت يمكن فيه جزء
صغير جدا لسه مصدق ان في يوم ممكن الاقي الطريق اللي ضاع مني او الاقي نفسي بعد ما اتوه كتير او الاقي حاجه تمسح جزء بسيط من التعب اللي مالي قلبي ولسه بكمل من غير ما اعرف بكمل ليه وقلبي لسه بيدق رغم كل اللي حصله ولسه فيه صوت داخلي بيقولي كمل كمل حتى لو الطريق طويل حتى لو الألم مبينتهيش حتى لو اللي حواليك ما فهموش اصلا اللي جوه قلبك حتى لو كل
حاجه بتحاربك حتى لو مفيش حاجه بتتصلح ولسه الليل بييجي ويطول والصبح يمر من غير لون والايام تتكرر بنفس الشكل وكل حاجه تبان انها واقفه مكاني وانا جوايا عاصفه كبيرة مش سايبه حاجه زي ما هي وكل تعب جوايا بيكبر وكل وجع بيترسب وكل حاجه ناقصه جوا روحي بتكبر مساحتها ومع كل ده وبعدين الاقي نفسي واقف مكاني رغم كل التعب رغم كل السنين اللي راحت رغم
كل اللي اتكسر رغم كل الاحلام اللي ماتت رغم كل اللحظات اللي ما قدرتش اعيشها الاقي نفسي لسه موجود لسه قادر امشي خطوه ولو صغيره وقلبي لسه قادر يشيل ولو جزء بسيط من كل اللي شايله وادخل يوم جديد بنفس الروح اللي بتحاول وبنفس الهدوء اللي بيخفي وراه صوت عالي وبنفس التعب اللي لسه ماسك فيا بس رغم ده كله في حاجه جوايا بتقوللي امشي يمكن الطريق
الطويل يجيلك منه حاجه حلوه يمكن لحظه بسيطه تلمع وسط الظلام يمكن ضحكه صغيره تخلي القلب يهدا يمكن كلمة تخليك تحس انك مش لوحدك وحين يثقل القلب بما لا يقال واحس ان التعب مش بس في الجسد لكن في الروح اللي بقت تشيل اكتر مما تستحمل واحس ان الايام بتتحرك قدامي ببطء يخوف كأن الزمن نفسه مش عايز يكمل وانا واقف في مكان مش عارف اتقدم منه ولا
ارجع له وكل خطوه بحاول اعملها احس انها بتسحب مني جزء من روحي وكل حاجه كنت فاكرها بسيطه بقت حمل تقيل وكل نفس بقا محتاج جرأة علشان يطلع ومع كل لحظه صمت بحس ان الدنيا حواليا اكبر مني بكتير وان قلبي صغير وواقف قدام موج عالي مش عارف يعديه وبتزاد المسافه بيني وبين كل حاجه ممكن تريحني وكل حاجه كنت فاكر انها قريبه بقت ابعد من الخيال ومع
كل يوم بيعدي بلا جديد بلا لون بلا معنى بلا ضحكه حقيقيه بلا كلمة تطمن بلا لمحة نور احس اني بتسحب بعيد اكتر واني بفقد جزء من نفسي كل ما اوعى واصحى وافتكر ان مفيش حاجه اتغيرت وان اللي كنت مستنيه ما جهش واللي كنت هعتمد عليه اختفى واللي كنت فاكر انه هيكون سند اتبدل وبقى عبء واني رغم كل اللي عدى عليا لسه قلبي ضعيف قدام اي صدمة صغيرة
وقدام اي كلمه عابرة وقدام اي خذلان بسيط يحصل من حد ما توقعتش انه يجرحه وكل الطرق اللي مشيت فيها قبل كده بترجع تاني في ذاكرتي كأنها لسه بتحصل وكل الخطوات اللي ضيعتني بترجع وتفكرني اني عمري ما كنت ماشي في طريق واضح وان كل حاجه كنت بستنى نهايتها ما كملتش وان البشر اللي مريت جنبهم سابوا علامات في قلبي مش قادر امسحها ولا اتجاهلها وكأن كل
واحد فيهم سايب جرح وفي الوقت اللي انا فيه محتاج كلمة بسيطه الاقيني محاصر بصوتي لوحدي مفيش غيره يواسيني ولا يسمع صمتي والليل لما بينزل بحس ان الدنيا كلها ساكته ومفيش صوت غير اللي جوه قلبي صوت مليان اسئله وخوف وتعب وذكريات كتير صوت بيفكرني بكل حاجه ضاعت وبكل حاجه اتمنيتها وبكل حاجه مكسرتش غيري وبكل حاجه افتكرتها هتعيش
معايا وملقيتهاش ويفضل الصوت يلف ويزيد ويمتد كأنه مالوش نهاية وكل لحظه فيه بتكشف حاجات كنت مغمض عليها عيني وكل تعب كنت مخبيه جوايا علشان اكمل وانا في وسط ده كله بحاول اعيش كأن مفيش حاجه حصلت كأني مش متألم كأني مش شايل جبال جوايا كأني مش محتاج حضن بسيط او كلمه صادقه او وقت ارتاح فيه لكن كل يوم بيعدي واحس ان اللي جوايا بقى تقيل اكتر
من اللي اقدر اشيله وان التعب بقيت احسه في دقات قلبي وفي حركة عيني وفي طريقة نفسي وفي مشيتي وفي كل حاجه بعملها حتى الحاجات اللي كانت بتفرحني بقت عادية وبلا طعم ومع كل اللي بيحصلي ده لسه في جزء جوايا صغير جدا بيقاوم بيقوللي كمل يمكن الطريق الطويل ده في نهايته حاجه تستاهل يمكن التعب ده كله مش رايح هدر يمكن الصبر اللي بقدمه لنفسي يوم بعد يوم
ممكن يفتح باب ما توقعتوش يمكن بعد كل الحزن ده يطلع نور صغير يشبه حاجه كنت مستنيها من زمان يمكن الاقي ضحكه مش مكسوره يمكن الاقي يوم مش شبه امبارح يمكن الاقي حد يسمع من غير ما احكي ويمكن الاقي نفسي بعد ما ضعت
حين يثقل القلب بما لا يقال
