العزلة التي تغير ملامح الأيام
بقلم/نشأت البسيوني
العزلة التي تغير ملامح الأيام بقت كلمة اكبر من شكلها الظاهر لان الحياة دلوقتي بتاخد شكل مختلف والناس بقت تشوف العالم من خلال نوافذ اصغر بكتير من اللي كانت مفتوحة زمان وانا واحد من الناس دي اللي حسيت ان الدنيا بتتغير من غير ما اكون مستعد لكل التفاصيل اللي بتحصل قدامي بقيت اشوف يومي يتغير خطوة خطوة واحس اني اقرب لنفسي وابعيد عن الدنيا في نفس الوقت
واحس ان كل لحظة بتمر بتفتح جوايا باب لجوايا مش للعالم اللي برا وحياتي بقت مليانة اسئلة بتلف وبتدور من غير ما تلاقي جواب واضح اسئلة عن سبب التعب اللي بييجي فجأة من غير مناسبة واسئلة عن ليه الابتسامة ساعات تكون صعبة وليه الكلمة اللي كانت سهلة زمان بقت دلوقتي تقيلة وليه الناس اقرب من زمان لكن قلوبهم ابعد اكتر من اي وقت فات ولقيت ان العزلة مش اختيار
كتير ما تكونش قرار لكنها تبقى نتيجة تراكم مشاعر كتير مخزونة وجوا الواحد اصوات كتير ما كانش بيسمعها زمان وبعد ما الايام تجري وتمر تلاقي نفسك بتقف في نقطة معينة تحس فيها انك محتاج توقف وترتب اللي جواك لانك ما تقدرش تكمل بالطريقة نفسها وما تقدرش تتظاهر انك نفس الانسان لان التغيرات بتكون اكبر من محاولة تجاهلها وبتحصل جوا القلب قبل ما تحصل في اي
مكان تاني ومن هنا بدأت الرحلة اللي فيها اعرف ليه القلب بيتوجع وليه يرجع يوقف على رجله تاني وليه ساعات يهرب من كل شيء وساعات تلاقيه بيحضن الدنيا كلها وساعات تلاقيه ساكت وساعات يغلبه الشوق للكلام وللقرب وللمهجة اللي كانت موجودة ورجعت تستخبى ورا الزمن لحد ما الواحد ما بقاش عارف هي فين والعزلة هنا مش لحظة هروب العزلة هنا لحظة مواجهة مواجهة بين
الانسان ونفسه مواجهة يشوف فيها اللي كان بيهرب منه مواجهة يشوف فيها ضعفه وقوته ويشوف فيها ضحكه اللي كانت حقيقية ويشوف فيها دموعه اللي كانت بتنزل في عز الليل وهو مش فاهم هي نازلة ليه مواجهة يشوف فيها كل حاجة خبّاها من الناس ومن نفسه ومع الوقت بدأت اعرف ان الصمت ساعات مش هروب الصمت علاج الصمت امان الصمت مساحة الانسان يعيد فيها
تشكيل نفسه الصمت حضن يتسند عليه قلبه لما الدنيا تتقل عليه لدرجة انه ما يعرفش يعبر الصمت مش دليل ضعف الصمت بداية قوة مختلفة قوة ما بتبانش للناس لكنها بتبني جوا الانسان حتة بعد حتة لحد ما يقف من جديد وبدأ يومي يتشكل بطريقة ما كنتش اتخيلها بدأت احس بقيمة اللحظات الصغيرة اللحظات اللي كنت باعتبرها تفاصيل لكن اكتشفت انها اكبر من كده بكتير لحظة
نسمة هوا تدخل الشباك لحظة ضحكة بسيطة من طفل في الشارع لحظة صوت اذان بيصحيني من شرودي لحظة قهوة سادة اتعملت في وقت مكنتش محتاج فيه اكتر من رائحة تهدي قلبي لحظة كلمة من صديق قديمة فاكراني اني مش لوحدي زي ما كنت فاكر والايام بدأت تعلم الانسان حاجات ما تعلمهاش الكتب تعلمه ان مش كل خسارة نهاية وان مش كل فرحة بداية وان الطريق اللي ماشي
فيه مليان اشارات اشارات ساعات تكون واضحة وساعات تكون مخفية وساعات تحتاج القلب يفهمها من غير شرح لان ربنا ساعات يبعت رسالة عن طريق موقف بسيط لان الانسان ساعات ما يفهمش غير لما يهدى تماما وبقيت اكتشف ان اللي كنت شايفه وجع كان جزء من شفاء واللي كنت فاكره كسر كان مقدمة لقوة واللي كنت شايفه وحدة كان مساحة اعرف فيها نفسي اكتر واعرف انا عايز ايه
ومين يستحق يدخل حياتي ومين وجوده كان مجرد زجيج مالوش معنى والحمد لله ان ربنا بيبعد عن الانسان ناس مش خير ليه حتى لو التكلفة كانت وجع وقتها ووبدأت اشوف الدنيا بعيون مختلفة عيون شايفة التفاصيل اللي كانت مستخبية ورا السرعة شايفة الخير اللي كان موجود طول الوقت بس احنا ما كناش شايفينه شايفة الرحمة اللي بتنزل في شكل مواقف صغيرة شايفة ايد ربنا
وهي بتسند الانسان وهو مش واخد باله شايفة نصيب مكتوب من قبل ما نتخلق ومش بيغلط ولا بييجي في غير وقته ومع كل يوم يعدي بدأت اعرف ان الانسان مش محتاج ناس كتير حواليه الانسان محتاج قلب واحد صادق محتاج كلمة طيبة محتاج حضن امان محتاج دعوة صافية محتاج حد يحس بيه من غير شرح كتير محتاج يبطل يجري ورا الدنيا ويبدأ يسكن جواه ويسمع نفسه
ويسمع صوته الحقيقي مش الصوت اللي اتشكل من ضغوط الحياة وبعدين بدأت الاقي نفسي ارجع احب تفاصيل بسيطة ارجع احب المشي بالليل ارجع احب النظر للسماء ارجع احب الليل الهادي اللي يلم كل اللي جواي وارمي فيه همومي ارجع احس اني قادر اقوم من تاني ارجع احس ان الحياة رغم قسوتها فيها جمال موجود في قلب كل يوم جديد وفي اللحظة دي فهمت ان العزلة اللي خدتني
بعيد هي نفسها اللي رجعتني لنفسي وان السكون اللي كان بيهددني بالاختناق هو نفسه اللي علمني اتنفس صح وان الصمت اللي كنت شايفه وجع هو اللي فتح باب الكلام الحقيقي وفتح باب السلام وفي النهاية اكتشفت ان كل الطرق اللي عدت عليها مهما كانت صعبة كانت بتاخدني لنقطة معينة نقطة راحة نقطة فهم نقطة بداية جديدة نقطة انسان واقف على رجليه انسان عرف قيمته
وعرف ان الحياة مش سباق ولا مقارنة الحياة رحلة والرحلة مش محتاجة سرعة الرحلة محتاجة صدق محتاجة قلب يرتاح محتاجة روح تعرف ان كل شيء هيعدي وهيخف وهييتبدل وهييتعوض لان ربنا ما يسيبش حد محتاجه ومع الوقت بقيت احس ان كل يوم بيضيف حاجة جديدة لنفسي حاجة تعلمت منها حاجة حسيت بيها حاجة رجعتني لحياتي وحاجة خلتني اعرف ان كل لحظة مهما
كانت بسيطة ليها أثرها الكبير عليا وان كل دمعة وكل ضحكة وكل شعور بيقربني مني اكتر وكل يوم بيخليني ابني العالم الداخلي اللي موجود جوايا واللي مش حد شايفه غيري واللي مليان ضحك ودموع ومواقف وكلمات وحكايات ومخاوف واحلام وذكريات وامل وانكسارات عالم بيتشكل من كل لحظة بعدي بيها عالم جواه الطفل اللي كان بيضحك على ابسط حاجة وجواه الشخص اللي كبر
وشاف حاجات كتير وعاش تجارب كتير وما زال رغم كل ده محتفظ بجزء طيب من قلبه وجواه صوت ساعات يسكت وساعات يعلى وساعات يرتبك وساعات يقوى وجواه احساس دايما بيدفعه يكمل وكنت ألاحظ مع الوقت ان في قوة خفية جوا كل انسان قوة بتبان في لحظة الضعف قوة بتظهر لما القلب يتوجع لكنه يقرر يكمل قوة بتبان لما الإنسان يتعب لكنه يكمل المشي قوة بتبان لما
الشخص يسكت عن الكلام لكنه يفضل يحاول جوه نفسه يدور على طريق يخرجه من حيرته والرحلة كانت دايما مستمرة كانت بتكبر معايا وانا بكبر كانت بتتغير معايا وانا بتغير وكانت بتكشفلي كل يوم جزء جديد مني جزء انا ما كنتش اعرفه جزء كان مستني اللحظة الصح عشان يظهر وجزء كان بيديني دليل ان مهما اتغيرت لسه جوايا روح بتعرف تتحمل وتعرف تتعلم وتعرف تعيش وكنت
احس ان الطريق مهما كان طويل هو الطريق اللي لازم امشيه الطريق اللي هيفضل يكشفلي عن نفسي وعن العالم وعن الحياة الطريق اللي فيه حكايتي اللي ما يعرفهاش غيري الطريق اللي فيه سر قلبي اللي ما يتقالش غير في اللحظات اللي بكون فيها صادق مع نفسي الطريق اللي مهما لف بيا هيخليني في الاخر اوصل للسلام اللي ببحث عنه ومهما كتبت لسه في كلام كتير جوايا ولسه
في مشاعر ولسه في وجع ولسه في فرحة ولسه في حكايات ولسه في أيام جاية ولسه في خطوات ولسه في طريق ولسه في رحلة مكملة وانا مكمل معاه
العزلة التي تغير ملامح الأيام
