………ايام زمان………..

………ايام زمان………..

.كلمات يحيي العبادي.

============== 

ايام زمان كانت جميله

 فيها ناس كتير اصيله

كان فيها لمه وكمان حنان

كنت تشوف ايه يعني عيله

ايام زمان انا من بعيد

انا من زمان ومش وحيد

ايام ماكنا بقلوب نظيفه

نفرح اوي.. بلبس جديد

ايام زمان لو كنت فاكر

 حتي سنما تزورها بتذاكر

تشوف طبيعه حلوه وجمال

اصل الأصيل جميل وفاخر 

انا من زمان والقلب خالي

الفكر جميل والأصل عالي

والقلب شايل حب وحنان

يفدي جيرانه ..ولا يبالي

ايام زمان… الكلمه عيب

لما تقولها…. لو للحبيب

لما تحس انك ….كبير

 انت فاشل عقلك يخيب

ايام زمان والفرن والع

والعيش عليه والكل جامع

وحاجه تانيه تحس الدفا

مفيش تلوث دخان مصانع

انا حبيبي لسه …فاكر

اكتب جواب وانا بذاكر

اخاف اشيله او اقول عليه

وان شافه ابويا بين الدفاتر

اقوله عمري ده بتاع زميلي

وأفضل احسب…. كل ليلي

اقول هايسأل يجي يحاسبني

وانده ياامي عني شيلي

اهو هوه ده الي كان زمان

 فيه موده وكان فيه حنان

كل البيوت في بلدنا بيتنا

ناكل ونشرب في اي مكان

عشنا حياتنا من غير ضغوط

لو قولنا كلمه الضرب موت

بنت البلد …بنتك او اختك

عينك تصونها …لما تفوت

ابوك بيجري وامك وراه

 كنت مريض او قولت اه

تشوف البشر بتسأل عليك

الحب كان وكان فين مداه

انا من زمان وحروفي ليك

افهم واعرف بكره الاقيك

اعرف ان خير ك .. لأهلك 

مهما البشر ندهم ..عليك

………ايام زمان………..