حين يحلم الانسان بما يتجاوز الارض
بقلم/نشأت البسيوني
حين تشوف مشهد زي ده راكبين نسر ضخم طاير فوق الدنيا تحس ان الانسان مهما اتقل بجسمه يفضل قلبه اخف من الهوا وان الروح ساعات ترفض تمشي على الارض وتقرر تطير حتى لو الطيران نفسه خيال لان اللي بيخلينا نطير مش جناح ولا ريش اللي بيخلينا نطير هو الاحساس اللي جوا كل واحد فينا اننا نقدر نعدي حدود امبارح ونقفز فوق خوفنا ونبص للدنيا من فوق من نظره اوسع
بكتير من كل اللي كنا شايفينه واحنا ماشيين على الارض الصوره دي تحسسك ان الانسان ممكن يعيش العمر كله محبوس في نفس المكان ولما يجرب يطلع لفوق حتى لو بخيال حتى لو بلقطه بسيطه يكتشف ان السماء اوسع من حزنه وان الهواء اطهر من وجعه وان المنظر من فوق مختلف جدا عن اللي كنا شايفينه واحنا متعلقين في زحمه الحياة وان كل واحد فينا جواه نسر عايز يطير بس
محتاج جرأة لحظه واحده يكسر بيها كل خوف مكبله وكل وجع شده لتحت وفي لقطه زي دي تعرف ان الصداقة مش كلمة تتقال الصداقة جناحين واحد يشيلك والتاني يحميك واحد يقود الطريق والتاني يسند وراك واحد يشوف الطريق قدامه والتاني يطمن انك مش لوحدك وان الطيران مهما كان مخيف وجود حد جنبك بيخلي الخوف اخف والرحله اسهل والارتفاع احلى تحس كمان ان الحياة
ساعات محتاجه لقطة غير منطقيه علشان تفوقنا ان اللي احنا خايفين منه ابسط بكتير من اللي جواه قوة جواه حلم جواه شجاعه وانك مش لازم تملك جناحات علشان تطير لكن لازم تملك ايمان بسيط انك تستحق تشوف الدنيا من فوق تستحق تخرج برا حدودك تستحق تجربه مجنونه تغير جواك حاجات ماكنتش هتتغير وانت ثابت في مكانك وفي الآخر تفهم ان الطيران مش شرط يكون
فوق الغيم ممكن يكون فوق خوفك فوق حزنك فوق تعبك فوق قيود حطيتها على نفسك وكملت ماشي بيها سنين وان اللحظه اللي تقرر فيها تطلع لفوق حتى لو بخطوه صغيره هتعرف انك كنت محبوس في مساحه اضيق بكتير من اللي ربنا خلقها ليك وانك تستحق سماء اوسع وروح اطلق وحياه تليق باللي جواك مش باللي اتفرض عليك دي الصوره اللي تقولك من الآخر انك تقدر تطير حتى
لو مافيش جناحات وانك تقدر تعيش فوق حتى لو الدنيا كلها حاولت تشدك لتحت وان الانسان ما يتقاسش بقدمه اللي على الارض لكن بقلبه اللي قادر يحلم ويسمو ويطير لأي مكان هو شايف انه يستحقه
حين يحلم الانسان بما يتجاوز الارض
