سطوة الضوء فوق حكايات الناس
بقلم/نشأت البسيوني
سطوة الضوء فوق حكايات الناس في كل زمن بييجي علينا بنلاقي نفسنا قدام قصص بتنور فجأه وسط العتمه قصص بتفرد ظلها على الارض وبتقول ان الانسان مهما مر عليه تعب ومهما قابل مواقف تهز قلبه يفضل برضه واقف لان له جوه حكايته نور محدش يقدر يطفيه ولان القوه الحقيقيه مش في الصراخ ولا في رفع الصوت لكن في الثبات وفي ان الواحد يفضل متمسك بروحه وبقيمته حتى
لو الدنيا حواليه بتتقلب الحقيقه ان الحياه عمرها ما كانت طريق سهل ولا كانت وعد بالسعاده الدايما بالعكس في منها اللي بيخبط وفي اللي بيدوس وفي اللي يخلي الواحد يحس انه واقف لوحده فوق ارض مليانه غبار وهموم لكن العجيب ان وسط ده كله الانسان بيلاقي في نفسه حاجه تشده لفوق حاجه تخليه يحارب ويمشي ويكمّل ويفتح باب وراه باب من غير ما يستنى حد يعمله خط
رجعه او يحط له علامه طوقيه القصص اللي بتفضل عايشه مش هي اللي فيها صراخ ولا اللي فيها بطولات مفتعله لكن اللي فيها وجع صادق وصبر طويل ورجوله بتبان في لحظه انكسار قبل لحظه نصر واللي فيها انسان بيحاول يثبت انه مش مجرد تفصيل صغير على الهامش لكنه صاحب روح بتتنفس وتتألم وتحلم وتكبر وفي كل بلد وفي كل مجتمع في ناس شالت على قلبها اكتر مما
تتحمله جبال وفضلت واقفه وبتضحك وبتواسي اللي حواليها مع انها من جوه مشقوقه نصين بس مع ذلك بتعلّم الدنيا درس من غير ما تتكلم وبتفتح باب امل من غير ما تقصد وبتسند غيرها حتى وهي محتاجه سند الانسان مش بقياس صوته ولا بقوته الظاهره الانسان قيمته في صبره وفي نقاء نيته وفي قدرته على انه يمشي رغم التعب وعلى انه يداوي نفسه بنفسه وعلى انه يفضل واقف
حتى لو محدش صقف له ولا شاف اللي حصله ولا فهم اللي جواه لان القوه الحقيقيه عمرها ما كانت في اللي باين لكنها دايما في اللي مستخبي في الزحمه وفي دوشة الايام في التعب اللي بينشف الروح وفي الطرق اللي بتحاول توقع الواحد بيظهر معدن الناس الحقيقيين اللي شايلين في قلبهم نور ما ينطفئش نور يفضل يلمع حتى لو الدنيا كلها انطفت حوالينهم نور بيقول ان الانسان مش
بكلمته ولا بصورته ولا بضحكته لحظه الانسان بفعله وبأثره وبالخط اللي بيسيبوه وراه مهما كان بسيط وكل قصه انسان مش نهايتها لما يقع ولا لما يتعب نهايتها لما يستسلم وده اللي ما بيحصلش عند الناس اللي اتعودت تقف وتقفل جرحها وتكمل واللي عرفت ان الوجع مش نهايه لكنه بدايه شكل جديد من الحياه بدايه اقوى واعقل وانضج واعمق بدايه بتخلي الواحد يشوف نفسه من
زاويه ما كانش شايفها ويفهم قدره ويعرف قيمته واللي لازم نسمعه ونعرفه ان كل حد فينا جواه قصه تستحق انها تتقال وجواه لحظه انهار فيها بس وقف بعدها اقوى وجواه ذكرى وجع بنت منه جبل وجواه حاجات محدش يعرف عنها حاجه بس هي اللي بنته وهي اللي وصلته وهي اللي خلته واقف في مكانه النهارده الحياه مش سباق والحياه مش حد بيكسب وحد بيخسر الحياه مرهق لكنها
عادله بطريقتها اللي ما يفهمهاش غير اللي عاش ووقع واتكسر وقام ووقف وشاف الدنيا بعيون تانيه الحياه بتدي للثابت حقه وبتحط كل حد في مكانه وبتسيب لكل انسان بصمته اللي ما حدش غيره يعرف يعملها ويمكن اكتر حاجه لازم نصدقها ان الانسان اللي جواه صدق وعنده نيه طيبه مش ممكن يضيع مهما اتأخر حقه ومهما اتكسرت خطواته ومهما الناس نسيت اللي عمله لان الاثر الحقيقي
ما بيتنساش الاثر الحقيقي ما بيتشالش الاثر الحقيقي بيعيش حتى بعد ما يختفي صاحبه من الدنيا كلها وعشان كده كان لازم نكتب ونحكي ونوثق ان الانسان الحقيقي مش اللي اتصنع قدام الناس لكنه اللي عاش بتعبه ووقف بوجعه وكمّل بدموعه وواجه الدنيا من غير ما يبيع نفسه ومن غير ما يتخلى عن مبادئه ومن غير ما يفقد نقاء قلبه اللي ربنا حافظه له ده المقال وده صوته وده حكايته اللي
بتقول لكل حد موجوع انك مهما اتكسرت هتقوم ومهما اتظلمت هتنور ومهما اتقل عليك الحمل هتعدي لانك اتخلقت بقلب اقوى من التعب وبروح اقوى من الحزن وبقدره تفضل بيها واقف مهما الدنيا حاولت تكسر فيك
سطوة الضوء فوق حكايات الناس
