حين يسقط القناع وتظهر الحقيقة بلا تجميل
بقلم/نشأت البسيوني
حين يسقط القناع وتظهر الحقيقة بلا تجميل نلاقي نفسنا واقفين قدام مرايتنا الاولى المرايه اللي عمرها ما كذبت علينا لكن احنا اللي كنا نهرب من نورها ونستخبى ورا كلام حلو ملوش اصل وناس اخدناهم فوق حقهم ومواقف صدقناها بقلب طفل ولسه فاكر ان الدنيا كلها شبهه ولما يكشف الستر نعرف ان العمر ما كانش قاسي العمر كان بيعلمنا وان القلب ما كانش ضعيف القلب كان نضيف
زيادة عن اللزوم وان اللي سايبنا ما سابناش عشان احنا مش قد المقام هو ساب عشان النوايا كانت مكسوره من الاول ولما نرجع نراجع نفسنا نلاقي ان كل لحظة وجع كانت سلم بيوصلنا لفهم اعقل وهدوء اوسع ونور جوه مكنش هيبان غير لما تروح الناس الغلط من غير ما نطلب ومع كل كشف جديد بنعرف ان مش كل قرب نعمه ومش كل بعد نقمه وان في ناس وجودها عبء وفي
ناس غيابها حياه وان في علاقات نهايتها مش خساير نهايتها نجاه وان في قلوب ندخلها غصب عن عقلنا لكن نخرج منها غصب عن روحنا علشان ربنا بيحبنا اكتر من حبنا لنفسنا ولما نعرف ده نبدأ نعيد ترتيب دواخلنا نعيد وزن خطواتنا نعيد نظرتنا للحاجات اللي كانت بتستهلكنا ونلاقي ان ابسط راحة في العالم هي راحة نفس واقفة على ارض صلبه مش محتاجة تبرير ولا اثبات ولا شرح لحد
مش شايف مكاننا اصلا ولما يسقط القناع نعرف ان السكون مش ضعف السكون قوة صلبة وان الانسحاب مش هروب الانسحاب نجاة وان الطيبة مش سذاجة الطيبة صفاء وان البعد مش خسارة البعد حماية وان اللي يبيع بسهولة عمره ما كان شاري ولا لحظة وان اللي يهرب من المواجهة كان خايف من الحقيقة مش منا وان اللي يمشي من غير كلمة كان ماشي من زمان واحنا بس اتأخرنا في
الفهم ومع كل يوم جديد يتجمع جوانا يقين اكبر ان الدنيا مش بكتر الناس اللي حوالينا الدنيا بالقلوب اللي بتسند والنيات اللي تشيل من غير فضل والكلمات اللي تتقال بصدق مش بمزاج وان العلاقات مش مشاهد العلاقات اختبارات وان القرب مش مسافة القرب روح وان اللي يوجعك مرة هيوجعك عشر مرات وان اللي يريحك مرة ربنا هيخليه دايما قدرك مهما اتقلبت الظروف وفي
لحظة صفا نادرة نعرف ان اجمل هدوء في الكون هو هدوء النفس لما توقف تسأل ليه وتوقف تطلب من اللي مش قد قيمتها وتوقف تحاول ترجع ابواب اتقفلت وان اللي مشي مش نصيب واللي راح مش قدر واللي اتبدل اتبدل لحكمة واللي اتغير اتغير علشان ما كانش مننا من الاول ولما ندرك ده نبدأ نسمح للنور يدخل ونسمح للراحة تستقر ونسمح للقلوب الصافية تقرب وتاخد مكانها الطبيعي
اللي اتأخر سنين نكتشف ان اللي يليق بينا هيبقى مهما حصل وان اللي مش قد روحنا هيمشي مهما حاولنا نتمسك بيه وان اللي فاهم قيمتنا مش محتاج تلميح ولا اشارة وان اللي يحب بجد مش هيأذي ولا هيقلل ولا هيغيب ولما نشوف ده بعين واعية نبتدي نمشي بطريق خفيف ونعيش بيقين كبير ونستقبل اللي جاي من غير خوف ومن غير حذر ومن غير وجع قديم ماسك فينا واللي
جاي دايما اجمل لما القناع يقع لما الحقيقة تظهر لما القلب يخف لما الروح تفوق لما الوجع يمشي لما الطريق ينور ولما نعرف اخيرا ان ربنا كان شايلنا من حاجات واحنا كنا فاكرينها فقد لكن الحقيقة انها كانت نجاة كبيرة احنا ما فهمناهاش غير لما القناع وقع ولما الحقيقة ظهرت بلا تجميل
حين يسقط القناع وتظهر الحقيقة بلا تجميل
