🇪🇬 الدولة خط أحمر 🇪🇬
بقلم: مصطفى عبدالنبي
شوية مراهقين… بلاش خراب قبل ما البلد تولّع في إيديكم!
مش كل واحد معاه موبايل وبوست يبقى منقذ أمة.
قبل ما تصدعونا بهتاف وخلاص، جاوبوا:
إزاي نصحّح المسار؟
إزاي نسدد الديون؟
إزاي نوفر أكل وشغل ودواء لمية مليون بني آدم؟
مش كل شعارات وكلام فاضي يغيّر الواقع! مش كل هتاف يُنقذ بلد. اللي بتعملوه ده مش معارضة… ده عبث سياسي واستهانة بعقول شعب فاهم وواعي ومجرّب الخراب قبل كده.
القيادة في زمن النار
الحقيقة اللي بتوجعكم: السيد الرئيس عبد الفتاح السيسي مسك مصر وهي على شفا الهاوية! إرهاب، انهيار، دولة مهددة من كل اتجاه… ومع ذلك اختار الطريق الأصعب.
حوّل مصر لدولة قوية: جيش صلب، بنية تحتية متطورة، مؤسسات واقفة، وقرار مستقل.
الرجل لم يبيع الوهم، ولم يلعب بالعواطف، ولم يختبئ وقت الشدة… اختار البلد أولًا، وليس الشهرة لنفسه.
الفهم الحقيقي للوطن
من لا يرى حجم الإنجازات، إما أعمى، أو مغرض، أو تابع أجندات خارجية ضد مصر.
مصر مش لعبة شوية مراهقين سياسة، ومش هتتساق بالهتاف ولا الشتيمة!
اللي معهوش حل حقيقي، ولا رؤية واضحة، ولا إحساس بالمسؤولية… يسكت!
الدولة دي اتبنت بدم وعرق، ومش هتتهدّ برغي.
مصر أقوى من كل الأصوات
مهما صرختوا، مهما عليتوا الصوت، مصر واقفة… قوية، صامدة، ومصممة على المستقبل!
القيادة اللي حمتها في زمن النار تستحق السند، وليس الطعن.
الدولة خط أحمر… وكل من يفكر يلعب فيها، هيعرف إن الوطن أمانة والدم ثمين.
الدولة خط أحمر
