حين تُربى الهزيمة رجلاً لا يُهزم
بقلم/نشأت البسيوني
في زمن كانت فيه الدنيا بتجرب قوة كل انسان بطريقتها كان في راجل ما حدش يعرف حكايته كان ماشي فوق ارض مليانه تعب وذكريات بتوجع وكانت كل خطوة بيخطوها زي معركه صغيره بينه وبين اللي جوه قلبه وبين اللي بره حياته وبين الايام اللي ما كانتش راحمه لا روحه ولا حلمه الراجل ده اتولد من رحم الخساره مش من رحم الراحه اتشكل من وجع ما حدش عرف يقرأه ولا يفهمه ولا
يحس بيه كان بيسمع كلام يخدشه وبيشوف نظرات تطعنه وبيعافر في دنيا كل حاجه فيها كانت بتقوله كفايا عليك كده لكنه كان بيكمل بيكمل وهو شايل فوق ضهره سنين وجع واتربى من غير ما يقصد على الهزيمه لحد ما الهزيمه نفسها بقت هي اللي بتربي فيه القوه كان بيصحى من النوم وهو مش فاهم بيقاوم ليه ولا بيحارب ليه ولا بيتحمل ليه لكنه كان بيقوم زي ما لو في صوت خفي بيشده
لقدام وبيقوله ما تقفش ما تبصش وراك ما تهزش راسك لحد ما مرت عليه ايام كانت بتسحب روحه من مكانها وايام كانت بتقفل باب وتفتح جرح وتكسر امل كان بيمشي وهو متأكد ان الدنيا مش دايما بتدي وان الناس مش دايما بتوفي وان القلوب اللي بيعتقد انها خير ممكن تكون اقسى من الحجر لكنه اتعلم من كل ضربه اكتر ما اتعلم من كل نصيحه واتعلم من كل خذلان اكتر ما اتعلم من كل
دعم واتعلم ان اللي وقع وقام مش زي اللي ما وقعش وان اللي مر بالظلام وشاف اخره مش زي اللي عاش عمره في النور اتشكل جواه راجل جديد راجل ما بيغترش بكلمه ولا بيوقعه نظره ولا بيكسروه غيبه ولا بيهزه حد راجل اتربى من الداخل مش من الخارج اتربى على الصمت لما الكلام ما ينفعش وعلى القوه لما الضعف يبان وعلى الصبر لما الالم يزيد وعلى الفهم لما الحقيقه تكشف اقنعتها وكبر
جواه صراع تولد منه سلام وكبرت جواه وحده تولد منها بصيره وكبر جواه خذلان تولد منه عقل وكبر جواه وجع تولد منه قلب يعرف يعني ايه يقوم من الصفر بقى الراجل اللي لو بصيت في عينيه هتشوف تاريخ كامل من الوجع لكنه واقف بصلابه ما تلينش وهدوء ما يتكسرش وثبات ما يتزعزعش بقى الراجل اللي ما حدش يعرف صراعاته لكن كل الناس شايفه قوته الراجل اللي اتعلم من
الزمن انه ما ينتظرش من حد حاجه ولا يطلب من حد عطاء ولا يشتكي لحد وجع لانه فهم اخيرا ان اعظم القوه هي اللي بتطلع من قلب موجوع مش من ظهر مسنود لحد ما وصل لمرحله ما عادش فيها محتاج يثبت نفسه لحد ولا يشرح نفسه لحد ولا يبرر اي حاجه لحد لانه عرف ان اللي تربى على الهزيمه مستحيل يهزمه حد وعرف ان اللي خرج من تحت الركام اقوى من اللي اتولد فوق القمه
وعرف ان اللي وحده بينام ودمعته على خده هو نفسه اللي بيقوم الصبح وابتسامته ساكنه ملامحه كأنه ما ذاقش وجع في حياته وفي اللحظه اللي وقف فيها قدام نفسه وشاف كل اللي مر بيه فهم ان ربنا كان بيعده لحاجه اكبر من توقعاته وبيجهزه لمكان اعلى من كل اللي فات وبيطلع منه انسان جديد انسان العقل فيه اكبر من جرحه والقلب فيه اقوى من خوفه والروح فيه اكبر من كل اللي
حاول يكسرها وفي النهايه عرف ان الهزيمه اللي كسرت فيه حاجات علمته حاجات مالهاش تمن وان السقوط اللي وجعه صنع منه حاجه ما تتكسرش تاني وان الطريق اللي كان مفروض يموته هو نفسه الطريق اللي خلاه يولد من جديد
حين تُربى الهزيمة رجلاً لا يُهزم
