هواك موعدني في نفس المكان 

بقلم : محمد أبوزيد 

هواك صدفه 

وفي يوم صدفت هواك ،ولسه عاوز أيام علشان أحكي وأقول كل الحكايات هحكي علي عمر جديد معاك شفت وعشت فيه أجمل حكايات هوه صحيح الهواء ياخدك أوقات وينور ليك عتمه الأيام ،وفي أوقات يوريك مرار وقسوة ويسيب الخوف جواك 

حنين لأيام زمان 

خدتني الأيام ،وورتني ناس في حضنهم أمان ،وستر ودفي من ظلم الأيام وقفت بفكر بالساعات ده ريحه أيام زمان ،وده همس وحنين ،وشوق كان مستني يقابلني هنا في نفس المكان .

اه من الهواء 

هوه كتير انتي ،والهواء يعملوا جنان لا ،وكمان بضحكه حلوة تهز القلب ،ويقول موال طيبه وحنيه كانت فين من زمان أتعلم قلبي القسوة من خاينين كانوا عاملين أغلي الناس .

وتفتكر ،وانت ،والهواء مصحبني ،وبعدهم ايه في الدنيا مستني موعدني بالفرحه ،والجاي في حبك ،وفي حضنك دنيا تانيه صدقني ملكت قلبي ،واللي جاي في عمري ،مش هخاف ولا ثانيه حبك أمان وعشقي ليك بيحلي الدنيا .