« قزازة زيت »

« قزازة زيت »

انا خلاص مش قادر من غيرها اعيش….
قولت اروح اطلب ايدها ومايهمنيش…
لاقيتها واقف بتبصلي في دلال….
فرحانه بنفسها وفي اسعد حال…
هي صحيح صغيرة…
بس بتلمع زي حتة السكرة…
ولما طلبت ايدها مش عاوزين يدوهالي ومترددين….
عايزين يستنوا يومين…
ومهرها يغلي اكتر واكتر…
ده الطلب عليها بيكتر….
مهي بالنسبالهم كنذ سمين….
وبعد طلب و إلحاح….
واخدوا كل اللي في جيبي وراح….
اخدتها في ايدي ومشيت….
وفرحان وطاير من الفرحه….
في ايدي عروسه بفستان وطرحه…
وانا بيها فوزت وعديت…
وكل اللي يشوفها في ايدي…. يبارك ويهني لحد ما اغتريت…
وهي ماشيه تدلع في ايدي…
والناس بتعاكسنا وكل اللي يشوفني يقول ماشيه معاك ياسيدي…
وهي ماشيه تتمرجح في يدي….
وفاكرة نفسها سمنه بلدي….

وبصت وقالتلي
اسمع يا ابن الناس….
قلتلها اوامرك علي العين والراس….
قلتلي قبل ما ندخل البيت…
عايزه مكان لوحدي انا هبقي اهم وحده فيه لما عليه هليت….
انا ليه شروط….
انا مبحبش الهوسه وعلو الصوت…..
ومش كل شويه تعالي تعالي
وبلاش شغل الجنان….
وتبعد عني البطاطس والشطه والبتنجان….
فيه حاجه اسمها كوكي وبانيه …
انا مش هوقولك لحمه ولا فراخ انت غلبان…..
هقولك علي اللي تقدر عليه….
وتشوفني مرة بس في الاسبوع…
حتي لو هتموت من الجوع….
واحنا وما شين في طريقنا للبيت…
شغاله هوسه في دماغي وكيت وكيت….
وتقولي الناس عمالين يجروا ورايه ويطلبوني..
هوا انا هجيت …
ايه انت بتقولي دا انا دافع في مهرك خمسين….
طيب دا اختي الكبيرة مدفوع فيها ميه وعشرين…
دا ا نت لو استنيت كمان يومين….
من غير ما احلفلك يمين….
ما كانشي هيوافقوا غير بالسبعين..
ومشيت اكلم في نفسي ومشيت مشيت….
من كتر ما انا مصدوم ومهموم
نسيت انا ساكن فين
وتاه مني البيت…
ودا كله بس علشان اشتريت..
قزازة زيت….
اومال لو روحت طلبت كيلو لحمه ودفعت مهرها وجيت…..
كان زماني جاني جلطة وتشليت…