صرخة الم من الشاعرة منال مصطفي من قلة الأصل والتربية
صرخة الم من الشاعرة منال مصطفي من قلة الأصل والتربية
كتب احمد الغمري
احيانا نتألم اذا وجدنا أناس قدمنا لهم كل الخير وردوا جميلنا نخوهم بقلة أصل وجحود وكانوا مثلا سيئا للبشر .
ولما وجدت صرخة الم من الشاعرة منال مصطفي تتتطابق مع صرختي فاخترت ان انشر صرختها فهي تقول
ويشهد الله أنك صبرت علي ناس قدمت ليهم كل الحلو اللي ف الدنيا ، لو الصبر كان بيتكلم كان قالك “خلي عندك دم بقا “
بس علي العموم متزعلش علي حاجات حلوه عملتها لحد ونكرها وباع بالرخيص ، كفايه انك قدام نفسك ابن اصول ومتربي وبتصون العشره ومش بيهون عليك العيش والملح ، و دي حاجات مش بتتشري بمال الدنيا !!
قولتلك مره وهقولك تاني وتالت ومليون .. قليل الأصل متعاتبوش امشي ومتكلموش !!
قلة الأصل مش طبع سيء الإنسان بيتولد بيه ، قلة الأصل تربية بتبان ف تعامل الشخص مع اللي حواليه ، ممكن تكون عصبي بخيل متهور شكاك ، دي طباع إتخلقت بيها وعايزة منك مجهود عشان تغيرها ، مفيش مشكلة ، أقدر أعذرك واعاتبك واسامحك وادعيلك كمان !!
لكن قلة الأصل مقدرش اسامحك عليها ، قلة الأصل بتبان لما احسن إليك فترد بالإساءة والاذيه ، لما ائتمنك فتخوني ، لما اصدقك فتكذب عليا ، لما افضفضلك فتفضحني ، لما أصحبك فتتكلم ف ضهري ، لما أحبك وترد الحب ده باذيه ، لما توعد وتطلع كل وعودك مزيفه وكداب ، لما تبقا قدامي بوِش وورايا بميت وِش !!
صدقني ده مش طبع فيك ، دي قلة أصل وناس معرفتش تربيك !!
صرخة الم من الشاعرة منال مصطفي من قلة الأصل والتربية
