خلاص كدا … 

خلاص كدا … 

بقلم راندا كمال عامر 

قدرت علي قلبك ..؟؟ وقفلته في وشي .. 

انا راهنت علي قلبك علي فكره وشكلي خسرت الرهان ..

عارفة انك في مرحلة بتحسب وبتشوف نفسك فين .. 

عارفة اني غلط معاك كذا مرة ومكنتش قد حبك لي .. 

عارفة اني جبانه ومش قادرة اخد خطوة .. 

وعارفة انك بتحاول تنسي حبي وتبعد بعيد عني ..

وعارفة انك بنقرا كل حرف باكتبه حتي التعليقات ..

وعارفة اني بازن عليك بس دا من حبي والله … ما انت بعيد عن عيني طيب ومش شايفاك ولا حاسه بيك ,, يا دوب شات او اتنين في اليوم وشكرا 

لكن اللي عمري ما كنت اتخيله انك تقدر علي قلبك … 

ما تتصورش اني كنت باستني ردودك لي بالساعات اد ايه ..؟؟ ما تتخيلش فرحتي لما نبدا حوار .. ايا كان الموضوع .. ياااااه علي الفرحه اللي جواايا ..

اللي كسرني من ناحيتك تاجهلك لي .. اللي كسرني بعدك عني .. اللي كسرني ان قلبك اتغير من نحيتي .. اللي كسرني اني حاااااسة انك عايز تبعد عني من زمااان ..

اللي كسرني اني باحبك بجنون وبقيت شاغل كل حاالي ووقتي وطاقتي .. 

بس اشوفك ولو نظره بس اتفرج علي لايف وانت بتشرح للناس معني الحياة .. 

حبيبي قدر علي قبله وعصر قلبي معاااه .. 

هاقولك كلمة واحدة اخيرة 

مع السلامة ربنا يوفقك ..

وانا الي بحر التوهااااان ومش عارفا هاقدر علي قلبي زيك ولا لا ..؟؟ 

مش عارفا اكيد مش هاقدر علشان انا ضعيفه مش زيك قوي ..

اكيد مش هاقدر بس مش عاوز اركعلك .. انت ما ترضهاش 

اكيد مش هاقدر لانك نقطه ضعفي الوحيدة 

اكيد مش هاقدر لاني بحبك بجنون 

اكيد مش هاقدر لانك محفور جوه قلبي ..

معلش تعبتك بس انت جننتي الصراحة 

قدينا وقت طويل حب في حب .. 

لما كنت قريب مني .. عيني ما كنتش متشالة من عليك وكني بنكلم بعض بالنظرات بس وكني بنكمل اخر النهار شات .. 

يااااااه الايام جريت بسرعة الايام الحلوة مشيت خلاص .. ما عدش غير ايام الفراق والحسرة ..

خلاص كدا …