لو خيروني
لو خيروني
الشاعر / محمد منصور
لو خيروني
آه لو خيروني لوضعتك بعيوني
وخبيتك م العالم يا أحلى العيون
لوضعتك بقلبي وروحي ولُبِّي
وحشايا ونبضي وجوا الجفون
دا أنت ليا حياتي وسنيني وساعاتي
بحبك يوماتي ومن غيرك ما أكون
يا نبع السعادة وشهدك زيادة
دا أنت الود كله والقلب الحنون
لو يخيروني لأرجَّع سنيني
وأبقى العمر كله ليل ونهار ويَّاك
في عشقي وجراحي في سعدي وأتراحي
في حُزني وأفراحي كل لحظة معاك
لو يخيروني ما أغمض عيوني
حتى ولو لثانية أنا بعشق رؤياك
أنظر ليك يا قلبي وأنسى كل كربي
وأطير م السعادة ف صباحك ومساك
يا أغلى من روحي يا قلبي وطموحي
بيك الدنيا جنَّة يا أجمل ملاك
لو يخيروني أعمل دنيا لينا
وأنسى العالم كله إلا حبِّي ليك
يا جنّة حياتييا فرحي وآهاتي
أنت زينة الدنيا وبروحي افتديك
يا نسمة هجيري ودفا زمهريري
حبي ليكِ فيضٌ فاق حد الجنون
بقلمي الشاعر / محمد منصور
