،،،كأنه ما جاش،،،
انا عارف انها مش اونها
ولا قلمي بيكتبها عشانها
مستحيل ارجع انا تاني بعد ما كسرتيني
مستحيل ارجع وانسى احزاني لو حتى وعدتيني
مستحيل احب بعدك تاني هحب وايه يداويني
مستحيل اقدر اني اشوفك وعينيك تيجي تاني في عيني
كان قلبي والله حاسس من الاول انها مش ليا
بس ما تخيلتش يوم ان انا اكون في حياتها ضحيا
خسرت ناس كثيره في حياتي وما بكتش عينيا
ولما مشيتي انتي لقيت دموعي نازله ومفروضه عليا
ومش عارف مين الظالم ومين مظلوم
مسير الحق هيبان وهيجي يوم
واكيد هرجع سعيد فرحان زي زمان
ولو الحب والحنان بيقل من الانسان
هاحب وهفضل انا حنين ومش غلبان
دروس ونعيش ونتعلم من الرحمن
واللي يبيعك ما تشتروهوش ولو ببلاش
صحيح القلب مدام داق الحب ما بياساش
وبرده القسوه بتولد عدم احساس
وعلى كل حال الحمد لله وعوضه الحلو جاي وربنا ما بينساش
ما فيش انسان بيتعلم كده من الدنيا بلاش في بلاش
كلمات اسلام حسن
