،،،اللعبه اكلها قرش،،،
ماتت يوم الخميس والجمعه اول عزاء
ضحيت بحاجات عشانها رديتها هي باسى
كم شهر حلو في عمري نسيتني معظم همي
وفي يوم وليله سابتني بجرح فالحب كله اتنسى
ثلاث ايام العزه مروا عليا سنين
وناس كتير بيسالوني طب هي راحت فين
الحزن كان ملازمني
والشمس غابت عني
والنور في عيني انطفى
ساكت ما بتكلمش
بيسندوني عشان امشي
ما بقاش في نوم اختفى
وفي اخر يوم في العزاء قلت هو في ايه
وما صليناش ليه وايه ده عزه من غير صلاه ولا جنازه
هو الميت ده ايه ميت واخد اجازه
افتكرت سؤال الناس هي راحت فين وانت مالك حزين طب هم مش حاسين
في ناس بتموت في عينك وهم اصلا عايشين
فاكرين الحب لعبه ياخدوها بايدهم اليمين
وسط بحر غويط سابوها وبشمالهم راميين
واللعبه لسه سليمه وما اتكسرتش بس هم مش عايزين
قدام عينيهم اللعبه اكلها قرش وعملوا مش شايفين
بس اللعبه ما اتهضمتش واصطاد صياد القرش
وطلعها من بطنه وبرغم قوه فكه سليمه ما اتكسرتش
وغسلها من ملحها وقال هديها لحد محتاج لها
يقدر ثمنها ويفرح بيها ويحبها
يا ابن ادم طول ما انت بحكم ربنا راضي
مهما اذاك انسان ربك بيرفع عنك الاذى
وترجع تعيش عادي
كلمات اسلام حسن
