بيسألوني
شاعر العاميه جلال محمد
كفرالشيخ
……………
بيسألوني…
رغم حزنك
دموعك ليه
مابتنزل
قولتلهم دموعي
غاليه
وغير. ع الغالي
مابتنزل
وعيوني نشفت
والبكا ع اللي راح
بيزل
ومكتوب علينا
ف حياتنا نتألم
ونشرب كاس المُر
كاسين
ويوم ماتبتسم
لينا الحياه..ونحلم
نصحي علي كابوس
مؤلم
بيسألوني إزاي
بقيت إنسان حزين
رغم ضحكك لِساه
مالي الوش
وإنت إنسان
ف عواطفك مابتغش
إزاي رغم وجعك
بتحضن قلوب الناس
وتواسي مشاعرهم
إزاي بتخفي وجعك
ورا كلمة كله تمام
دا إنت كده متبقاش
إنسان
إنت تبقي ملاك
ف صورة إنسان
قولتلهم
نزول دموعي
ع الورق بيقول
كلام
وع القلوب بيغزل
بس القلوب ملاها
الغل
ونفسي ليها تتغسل
كان ليا حبيب
سابني علي جسر
الألم أشعل
ماعمره يوم
بوجعي حس
وإزاي بوجعي
هايحس
وهوعايش لنفسه
بس
يالايمين ف الهوا
ماتلموش
جاي عليكم الدور
متقلقوش
وهتعرفوا إن
اللي حب بجد
عيونه للنوم
مابتشُفش
…………
2023/7/15
