مات
مات وفايتلنا سر خطير
إن ضميرنا ناقصله ضمير
فين الرحمة وفين الخير
ضعنا وضاعت المعايير
كل قلوبنا تبقى حجارة
ونرمي الرحمة ف قلب البير
والله داحنا ف أخر العالم
ولساني عاجز ع التعبير
فين قرآني وفين اسلامي
طب فين قسيسنا ف قلب الدير
والله فعل مايرديش دين
ليه بنهمش بعض كتير
وليه بنوقر صاحب الشهرة
حتى ولو كان فعله حقير
ليه ياضمير الأمة تغيب
والله عيب كده وكتير
لما مريض يترمى في الشارع
ويموت بره مش فى سرير
ويمكن مات ورموه للماره
ويبقوا يغيروا فى التقرير
والله حالنا ماعاد له مسره
من يوم موت اللي اسمه صمير
بقلم الشاعر فهمى محمود حجازى
