بتاريخ 23/7/2023
قصيدة ( شوق وحنين )
بقلم الشاعر المصري أحمد إبراهيم النجار
كتبت ليكِ كلام
وقولت م العاشقين
دايب بشوق وغرام
يا حلوة الحلوين
مشتاق أنا لعطرك
وإزاي أنا اوصفلك
مجنون أنا ف حبك
أصبحت م الهيمين
يا وردة ف البستان
وعطرها حكاية
فايح فى كل مكان
يا رحلة وبداية
عاشق خضار العين
كتبت ليكِ كلام
وقولت م العاشقين
دايب بشوق وغرام
يا حلوة الحلوين
يا عروسة بالفستان
والطرحة مفرودة
تفاح خدودك بان
يا أحلى بنوته
قمره ما ليها إتنين
يا أحلى م التوته
والبسمة دي حكاية
مرسومة ع الخدين
كتبت ليكِ كلام
وقولت م العاشقين
دايب بشوق وغرام
يا حلوة الحلوين
لو قولت فيكِ كلام
إزاي أنا اوصفلك
باعت بروحي سلام
عاشق حروف إسمك
يا طعمة الطعمين
مدي حبال الشوق
عاشق وبشتقلك
هلي يا بدر الليل
عاشق جمال حُسنك
دايب بشوق وحنين
كتبت ليكِ كلام
وقولت م العاشقين
دايب بشوق وغرام
يا حلوة الحلوين
مهما كتبت حروف
ووصفت ف الموصوف
وإزاي أنا أوصف
مشبوك ما بين رمشين
غرقان أنا ف بحرك
يا ربيع خضار ننك
يا عود جميل ملفوف
منه مافيش إتنين
محتار بإيه أكتب
وارسم حروف واثرد
فوق الجمال حُسنك
دايب وانا الملهوف
عشقك بقالي سنين
للمسة من يدك
لهمسة من ثغرك
ولعطر أنفاسك
شارب نبيذ حُبك
وقلبي ليكِ يميل
مشدود أنا لدربك
مجذوب واخدني الشوق
بروحي بكتبلك
عاشق جمال العين
كتبت ليكِ كلام
وقولت م العاشقين
دايب بشوق وغرام
يا حلوة الحلوين
بقلم الشاعر المصري أحمد إبراهيم النجار
