ظرف جواب 

ظرف جواب

قال الشاعر :

……………

جوابك في التو جانى .. مطبوع بـورود التحية

بحروف نطقت تقولى .. نفسي اصافحك بايديا

منسم فوق سطوره .. عطــور ريحتهـا ذكيـة

اصل الوفـاء والمـرؤة .. وارديـن مـنك بغية

—

ذوقــك وعلمك وفنك .. اخلاق عظيمة بشعورك

اديبة واصلك مـؤدب .. عايز اجـيلك اعودك

قيس وعاشــق بثينـه .. نقطة بجانـب بحـورك

وقلبك وطيبة ضميرك .. دول فى طبعك سـجية

—

وخداكي الشنقة ليلاتى .. بنذكر حديثك فى ندوة

عرفنـا والـدك بطبعك .. عاش اللى خلـف وربــا

فخـرك بحسـن الرباية .. سماح واخلاص وتقوة

خالك بيشبه لوالــدك .. شجـاع وايـده سخـية

—

ذكرى جميـــلة تشرف .. في نفوس تركـت مرارة

يقيدوا في القلب فتنة .. سقطوا نزلوا في مغارة

الغيرة والحقـد لسود .. رمتيهم في سلة زبالة

فؤادك في الود صافي .. اخلاق وقارية الحواطة

—

الصبر برضوا حليفك .. اصل الثقافــة في دمك

افكار مراودة لخيالك .. نورها مشــرق بفكرك

قلمك ابو خط واضح .. كاتب عناوين للمطالعة

للي نفوسهم مريضة .. وخاليين من العبقـــرية

—

نجمك علي المنصة لامع .. وجمهور ذواق بيسمع

واللي ابوا افكار ضعيفة .. واقف عايز بلسانه يلسع

عايزين كسوف الكواكب .. وافكار ظاهرة بتسطـع

داخل قصيدتى الشجاعة .. اسدين وتمساح بيزحف

—

علي شط بحـر المعــارف .. الهام يشرف ويمشي

قبلة فى جبيـن المعاني .. زجلـى لروحه مرضي

صامد وياه عمال باعافر .. مغمور ومتروك ومنسى

اهديك روحي وقلبي .. وارسل لخصمي المنيـة

—

مبروك وجــودك فى بلدك .. والنـاس تجيلك تعـودك

واعظــم هديـــه من اهلك .. حفلة لتكريم جهودك

وخطاباتى متشتاقة تسال .. عنـــك تقبــل جبينك

تقولك افتكري ياغالية .. ودك لحالي يعتب عليا

—

كــل اللى عارفــك بيسال .. عنــــك وعن غيــــابك

انتــى كبيـرة المقام .. واحنـــا نبـــارك شـبابك

وعلى الشـواطىء بمصيف .. اعمــل حـسابى وحسابك

يشرفنا وجودك معانا .. ترحيبك من اوفى صحبة

ظرف جواب                        —-

……………………..

احمد الشريف حسين